رەسپۋبليكا بويىنشا جەل كۇشەيىپ، ەلدىڭ سولتۇستىگىندە تۇمان تۇسەدى - قازگيدرومەت

استانا. KAZINFORM - «قازگيدرومەت» ر م ك- سى تامىزدىڭ 20 سى كۇنگى كۇن رايى بولجامىن جاريالادى.

كاسىپورىننىڭ دەرەكتەرىنە قاراعاندا، سولتۇستىك-باتىس تسيكلونىنىڭ اسەرىنەن قازاقستاننىڭ باسىم بولىگىندە كۇن قۇبىلمالى بولادى، نايزاعاي ويناپ، جاڭبىر، بۇرشاق جاۋادى، داۋىل تۇرادى، ەلدىڭ سولتۇستىگىندە، ورتالىعىندا قاتتى جاڭبىر جاۋادى. تەك رەسپۋبليكانىڭ باتىسىندا، وڭتۇستىگىندە، وڭتۇستىك- باتىسىندا كۇن جاۋىن- شاشىنسىز بولادى. رەسپۋبليكا بويىنشا جەل كۇشەيىپ، ەلدىڭ سولتۇستىگىندە، سولتۇستىك- باتىسىندا تۇندە جانە تاڭەرتەڭ تۇمان تۇسەدى.

كۇندىز اتىراۋ وبلىسىندا قاتتى ىستىق بولادى.

اتىراۋ، اباي وبلىستارىندا، ۇلىتاۋ وبلىسىنىڭ سولتۇستىگىندە، باتىس قازاقستان وبلىسىنىڭ شىعىسىندا، ورتالىعىندا، ماڭعىستاۋ وبلىسىنىڭ باتىسىندا، وڭتۇستىك- شىعىسىندا، شىعىس قازاقستان وبلىسىنىڭ سولتۇستىك-باتىسىندا جوعارى ءورت قاۋپى ساقتالادى.

قىزىلوردا، تۇركىستان، جامبىل وبلىستارىندا، الماتى وبلىسىنىڭ باتىسىندا، سولتۇستىگىندە، ماڭعىستاۋ وبلىسىنىڭ ورتالىعىندا، اتىراۋ وبلىسىنىڭ وڭتۇستىك- باتىسىندا، وڭتۇستىگىندە، شىعىس قازاقستان وبلىسىنىڭ ورتالىعىندا، قاراعاندى وبلىسىنىڭ شىعىسىندا، وڭتۇستىگىندە، ۇلىتاۋ وبلىسىنىڭ وڭتۇستىگىندە، اباي وبلىسىنىڭ باتىسىندا، سولتۇستىك-باتىسىندا، باتىس قازاقستان وبلىسىنىڭ وڭتۇستىگىندە جوعارى ءورت قاۋپى ساقتالادى.