«ءبىر جىل بويى قانداي جاعداي بولسا دا، التىن اشەكەي ساتىپ الماۋىمىز كەرەك»، - دەدى مودي. سونىمەن قاتار ول ازاماتتاردى جانارماي تۇتىنۋدى ازايتۋعا جانە قاجەتسىز شەتەل ساپارلارىنان باس تارتۋعا ۇندەدى.
ونىڭ ايتۋىنشا، ءۇندىستان التىن يمپورتتاۋعا قوماقتى قارجى جۇمساپ وتىر، سوندىقتان اسا قاجەت ەمەس ساتىپ الۋلاردى ۋاقىتشا شەكتەۋ ماڭىزدى. بۇل ۇندەۋ تاياۋ شىعىستاعى قاقتىعىس سالدارىنان مۇناي باعاسىنىڭ قىمباتتاۋى ءۇندىستان ەكونوميكاسىنا قىسىم ءتۇسىرىپ وتىرعان كەزەڭدە جاسالدى. ساراپشىلاردىڭ ايتۋىنشا، بۇل جاعداي ساۋدا تاپشىلىعىنىڭ ۇلعايۋىنا جانە رۋپيي باعامىنىڭ السىرەۋىنە اسەر ەتۋدە. التىن مۇنايدان كەيىنگى ەلدىڭ ەڭ ءىرى يمپورتتىق شىعىندارىنىڭ ءبىرى سانالادى. سونىمەن قاتار ءۇندىستان الەمدەگى التىندى ەڭ كوپ يمپورتتايتىن ەكىنشى ەلدەردىڭ قاتارىندا.
ءبىر كۇندە جەرگىلىكتى زەرگەرلىك كومپانيالاردىڭ اكسيالارى تومەندەدى. Titan Company اكسيالارى %6,6- عا ارزانداسا، Senco Gold پەن Kalyan Jewellers India اكسيالارى تيىسىنشە %10,8 جانە %9,5- عا تومەندەدى.
24.kz