چەرنوگوريا بيلىگى دينا ءتاڭسارىنى قاماۋدان بوساتتى

استانا. KAZINFORM — چەرنوگوريا بيلىگى «نەمولچي.kz» قورىنىڭ جەتەكشىسى دينا ءتاڭسارىنى (دينارا سمايىلوۆانى) قاماۋدان بوساتتى. بۇل تۋرالى nemolchikz_official Instagram پاراقشاسىندا جازدى.

كەشە «نەمولچي» قورىنىڭ جەتەكشىسى ۇستالىپ، پودگوريتساداعى جوعارعى سوتقا جەتكىزىلگەن بولاتىن.

بۇگىن چەرنوگوريانىڭ جوعارعى سوتى سمايىلوۆانى بوساتۋ تۋرالى شەشىم قابىلدادى. ونى وتانىنا قايتارمايتىنى تۋرالى اقپاراتتى قور وكىلدەرى حابارلادى.

- دينانى بوساتتى. چەرنوگوريانىڭ جوعارعى سوتى دينانى ەكستراديتسيالاۋدان باس تارتتى. ەندى دينانىڭ ءوزى سىزدەرمەن بايلانىسقا شىعادى، - دەپ جازىلعان قوردىڭ پاراقشاسىنداعى جازبادا.

دينا ءتاڭسارى چەرنوگوريادا ۇستالىپ، قازاقستانعا ەكستراديتسيالانۋى مۇمكىن ەكەندىگى تۋرالى جازعان ەدىك.

زورلىق- زومبىلىق قۇرباندارى تۋرالى اقپارات تاراتاتىن «نەمولچيkz» قورىنىڭ باسشىسى دينارا سمايىلوۆا (دينا ءتاڭسارى) چەرنوگوريادا ۇستالدى جانە تاڭعا دەيىن ۋاقىتشا ۇستاۋ يزولياتورىندا بولدى.