استانا. KAZINFORM - بولگاريا مەن رۋمىنيانىڭ ىشكى ىستەر مينيسترلەرى اتاناس يلكوۆ پەن كەتەلين پرەدويۋ دۋناي كوپىرىندەگى شەكارا بەكەتىندە شەنگەن ايماعىندا ەركىن ءجۇرۋ قۇقىعىن رەسمي تۇردە اشتى، دەپ حابارلايدى Euronews .
ەكى ەلدىڭ 25 ميلليون تۇرعىنى ەندى شەنگەن ايماعىندا ەركىن ءجۇرىپ-تۇرا الاتىن 450 ميلليونعا جۋىق ە و ازاماتتارىنىڭ قاتارىنا قوسىلا الادى.
قوس مەملەكەت ەۋروپالىق وداققا 18 جىل بۇرىن قوسىلدى، ال شەنگەن ايماعىنا قوسىلۋ تۋرالى كەلىسسوزدەر 2011 -جىلى باستالدى.
بولگاريانىڭ تۇركيامەن شەكاراسى ە و-نىڭ سىرتقى شەكاراسى بولا وتىرىپ، 2-قاڭتاردان باستاپ ە و ەلدەرىنىڭ 100 پوليتسيا قىزمەتكەرىنەن تۇراتىن بىرلەسكەن كونتينگەنتى كۇزەتەتىن شەنگەن ايماعىنىڭ سىرتقى شەكاراسىنا اينالادى.
ەسكە سالا كەتسەك، بۇعان دەيىن تۇركياداعى ۇڭگىر يۋنەسكو-نىڭ تىزىمىنە ەنگەنىن حابارلاعان ەدىك.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан