ەرمەك مارجىقپايەۆ تۋريزم جانە سپورت ءمينيسترى لاۋازىمىنان بوساتىلدى

استانا. KAZINFORM - مەملەكەت باسشىسىنىڭ جارلىعىمەن ەرمەك بورانباي ۇلى مارجىقپايەۆ قازاقستان رەسپۋبليكاسىنىڭ تۋريزم جانە سپورت ءمينيسترى لاۋازىمىنان بوساتىلدى، دەپ حابارلادى اقوردانىڭ باسپا ءسوز قىزمەتى.

ايتا كەتەيىك، ەرمەك بورانباي ۇلى 1969 -جىلى سەلينوگراد قالاسىندا دۇنيەگە كەلگەن.

س. سەيفۋللين اتىنداعى اقمولا مەملەكەتتىك پەداگوگيكالىق ينستيتۋتىن، «تۇران» ۋنيۆەرسيتەتىن جانە كوكشەتاۋ ۋنيۆەرسيتەتىن بىتىرگەن.

ەڭبەك جولىن 1991 -جىلى دەنە شىنىقتىرۋ مۇعالىمى بولىپ باستاعان.

1992-1993 -جىلدارى — اقمولا وبلىسى بۋراباي كەنتىنىڭ ورتا مەكتەبىندە مۇعالىم.

1993-1994 -جىلدارى — «شوناي» ش ج ك ديرەكتورى.

1994-2008 -جىلدارى — «بەرەكە-بۋراباي» ج ش س ديرەكتورى.

2008-2012 -جىلدارى — اقمولا وبلىسى ارشالى اۋدانىنىڭ اكىمى.

2012-2013 -جىلدارى — اقمولا وبلىسى زەرەندى اۋدانىنىڭ اكىمى.

2013-2014 -جىلدارى — اقمولا وبلىسى اكىمىنىڭ ورىنباسارى.

2014-2015 -جىلدارى — قازاقستان رەسپۋبليكاسى پرەزيدەنتى اكىمشىلىگى مەملەكەتتىك باقىلاۋ جانە اۋماقتىق- ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى.

2015-2019 -جىلدارى — اقمولا وبلىسى كوكشەتاۋ قالاسىنىڭ اكىمى.

2019 -جىلعى ناۋرىزدان — اقمولا وبلىسىنىڭ اكىمى.

2023 -جىلعى 2 -قىركۇيەكتە قازاقستان رەسپۋبليكاسى پرەزيدەنتىنىڭ جارلىعىمەن تۋريزم جانە سپورت ءمينيسترى بولىپ تاعايىندالدى.

2024 -جىلعى 6 -اقپاندا مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ تۋريزم جانە سپورت ءمينيسترى بولىپ تاعايىندالدى.