گەرمانياداعى بوسقىندار سانى ەڭ جوعارى دەڭگەيگە جەتتى

استانا. KAZINFORM - قازىرگى ۋاقىتتا گەرمانيادا بوسقىندار، باسپانا ىزدەۋشىلەر نەمەسە پانا بەرۋدەن باس تارتىلعاندار رەتىندە تىركەلگەن 3,5 ميلليون شەتەلدىك ازامات بار.

ولار ەلدە قالادى، ويتكەنى قازىرگى ۋاقىتتا دەپورتاتسيالاۋ مۇمكىن ەمەس. بۇل جاڭا ماكسيمالدى كورسەتكىش. بۇل تۋرالى 20-قىركۇيەكتە گەرمانياداعى شەتەلدىكتەردىڭ ورتالىق ءتىزىلىمىنىڭ دەرەكتەرىندە حابارلاندى، دەپ جازادى DW باسىلىمى Neue Osnabrücker Zeitung گازەتىنە سىلتەمە جاساپ.

قۇجاتتا 2024 -جىلدىڭ ءبىرىنشى جارتىسىنىڭ سوڭىندا گەرمانيادا گۋمانيتارلىق نەگىزدە باسپانا سۇراعان شەتەلدىكتەردىڭ ءۇش ساناتىنىڭ بىرىنە جاتاتىن 3,48 ميلليون ادام ءومىر سۇرگەن. بۇل 2023 -جىلدىڭ سوڭىنداعى كورسەتكىشتەن 60 مىڭعا كوپ. مۇنداي كورسەتكىش گەرمانيادا سوڭعى رەت 1950 -جىلدارى تىركەلگەن.

تىزىلىمگە باسقالارمەن قاتار 1,18 ميلليون ۋكرايندىق بوسقىن ەنگىزىلگەنى اتاپ ءوتىلدى. 2023 -جىلدىڭ سوڭىنان باستاپ ولاردىڭ سانى 45 مىڭ ادامعا ارتتى.

ال گەرمانيادان شىعارىلاتىن شەتەلدىكتەر سانى ازايدى. 2024 -جىلدىڭ ورتاسىنداعى جاعداي بويىنشا 226882 ادام بولسا، 2023 -جىلدىڭ اياعىندا ودان 15760 ادامعا كوپ بولدى. سونىمەن بىرگە، گەرمانيادا بوسقىن مارتەبەسىن الۋعا قۇقىعى جوق شەتەلدىكتەردىڭ 80,5 پايىزى ءوز وتانىنداعى جاعداي بىردەن دەپورتاتسيالاۋعا مۇمكىندىك بەرمەيدى دەگەن نەگىزدە ۋاقىتشا ەلدە قالادى، دەلىنگەن حاباردا.