گەرمانيادا تۇراتىن جەرلەستەرىمىز قازاق ەلىنە العىس ايتتى

استانا. KAZINFORM - گەرمانيادا تۇراتىن اقتوعايلىق جەرلەستەرىمىز ەستەرلەين تاتيانا، ۋلمەر نەللي مەن ۆيكتور، ەستەرلەين گۋگو قازا ەلىن 1-ناۋرىز العىس ايتۋ كۇنىمەن قۇتتىقتاپ، وزدەرىنىڭ جىلى لەبىزدەرىن ءبىلدىردى، دەپ جازادى Egemen.kz اقتوعاي اكىمدىگىنىڭ باسپا ءسوز قىزمەتىنە سىلتەمە جاساپ.

ولاردىڭ شەتەل اسىپ كەتكەندەرىنە 30 جىلدان اسا ۋاقىت وتسە دە، قازاقستان دەسە كوڭىلى بولەك. قازاق جەرىندە تۇرعان نەمىستەر مۇنداعى تەك جاقسى كۇندەرىن ەسكە الادى. سول ءۇشىن دە قازاق حالقىنا العىس بىلدىرەدى.

«قىمباتتى قازاقستاندىقتار! سىزدەر بيىل بەسىنشى جىل قاتارىنان العىس ايتۋ مەرەكەسىن اتاپ وتەسىزدەر. وسى ورايدا، سوعىستىڭ ەڭ سۇراپىل جىلدارى اتا-انالارىمىز سىزدەردىڭ ارقالارىڭىزدا بۇل كەزەڭدى باستان وتكەرگەنى ءۇشىن، قازاقستاندا تۋىپ-ءوسىپ، ءبىلىم نارىمەن سۋسىنداعانىمىز ءۇشىن، باقىتتى وتكىزگەن جاستىق شاعىمىز ءۇشىن سىزدەرگە العىس ايتقىمىز كەلەدى»، دەدى جەرلەسىمىز.

سونىمەن قاتار ولار وسى ءساتتى پايدالانا وتىرىپ وزدەرىنىڭ مۇعالىمدەرىنە، سىنىپتاستارىنا، دوستارىنا العىس ءبىلدىردى.

«قۇرمەتتى قازاقتار! باقىتتى بولىڭدار، دەندەرىڭ ساۋ بولسىن. اقتوعايلىقتارعا ۇلكەن سالەم ايتامىن. داستارقاندارىڭ باي، شاڭىراقتارىڭ بيىك، ات-كولىك امان بولسىن»، دەپ ىزگى تىلەكتەرىن جاۋدىردى جەرلەستەرىمىز.