گەرمانيادا جۇمىسسىزدار سانى 2021 -جىلدان بەرگى ەڭ جوعارى كورسەتكىشكە جەتتى

استانا. KAZINFORM - گەرمانيادا قازان ايىندا جۇمىسسىزدىق دەڭگەيى 6,1 پايىز ارتتى. بۇل تۋرالى ەلدىڭ جۇمىسپەن قامتۋ فەدەرالدى اگەنتتىگى مالىمدەدى.

ۆەدومستۆونىڭ مالىمەتىنشە، گەرمانيادا وسى ايدا جۇمىسسىزدار سانى 27 مىڭ ادامعا كوبەيگەن. وسىلايشا، 2023 -جىلدىڭ قازان ايىمەن سالىستىرعاندا، جۇمىسسىزدار سانى 183 مىڭ ادامعا ارتىپ وتىر.

2024 -جىلدىڭ قازان ايىنداعى جۇمىسسىزدىق دەڭگەيى 6 پايىز دەڭگەيىندە وزگەرىسسىز قالدى. 2023 -جىلدىڭ سايكەس كەزەڭىمەن سالىستىرعاندا بۇل كورسەتكىش 0,3 پايىز وسكەن.

بۇل - 2021 -جىلدىڭ اقپانىنان بەرگى ەڭ جوعارى دەڭگەي. بۇعان دەيىن جۇمىسسىزدىق ءتورت اي قاتارىنان 6 پايىز بولعان.

ساراپشىلار ورتا ەسەپپەن جۇمىسسىزدار سانى 15 مىڭعا ارتىپ، جۇمىسسىزدىق %6,1 عا دەيىن وسەدى دەپ بولجاعان، دەپ حابارلايدى Trading Economics.

قازان ايىندا اشىق بوس جۇمىس ورىندارىنىڭ سانى 689 مىڭ بولدى. بۇل قىركۇيەك ايىنداعى كورسەتكىشتەن 7 مىڭعا، وتكەن جىلدىڭ سايكەس كەزەڭىمەن سالىستىرعاندا 60 مىڭعا از.

بۇعان دەيىن گەرمانيادا ءدارى-دارمەك تاپشىلىعى باستالعانىن جازعان بولاتىنبىز.