گەرمانياعا جاڭا اسكەري وداق قۇرۋ ۇسىنىلدى

استانا. KAZINFORM - گەرمانيادا ا ق ش-تان تاۋەلسىز جاڭا اسكەري وداق قۇرۋ تۋرالى ۇسىنىس ايتىلدى، - دەپ حابارلايدى m.gazeta.ru سايتى.

گەرمانيانىڭ ءىرى ەكونوميكالىق ورتالىقتارىنىڭ ءبىرى بولىپ سانالاتىن گەسسەن فەدەرالدى ايماعىنىڭ باسشىسى بوريس راين ەۋروپاعا ا ق ش-تان تىس ءوزىنىڭ اسكەري وداعىن قۇرۋدى ۇسىندى.

ول رەسەيگە توسقاۋىل قويىپ، «قورقىتۋ» ماقساتىندا يادرولىق ارسەنالدى قولدانۋعا بولاتىندىعىن اتاپ ءوتتى.

«جالپى قورعانىس ءۇشىن، ەۋروپالىق يادرولىق قولشاتىر رەتىندە، شەكارا قاۋىپسىزدىگى مەن ءبىزدىڭ ماڭىزدى ينفراقۇرىلىمىمىزدى قورعاۋ ماقساتىندا قاۋىپسىزدىك جاعىنان كۇشتى ەۋروپالىق وداقتىڭ بولعانىن قالايمىز»، - دەيدى راين.

ونىڭ ايتۋىنشا، بۇعان دەيىن رەسەي پرەزيدەنتى ۆلاديمير پۋتين «رەسەي مەن ەۋروپا اراسىنداعى قارىم-قاتىناستى ءوزى بۇزباعانىن، كەرىسىنشە ەۋروپا ەلدەرى رەسەي فەدەراتسياسىنىڭ مۇددەسىن ەسكەرمەدى» دەپ مالىمدەمە جاساعان. پۋتين سونىمەن قاتار رەسەي فەدەراتسياسى ا ق ش-پەن قارىم-قاتىناس ورناتۋعا دايىن ەكەنىن ايتتى، الايدا وعان ءالى قولايلى جاعداي جوق.

«سونداي-اق، رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆ «پريماكوۆ وقۋلارى» حالىقارالىق عىلىمي-ساراپتامالىق فورۋمىندا رەسەي ەۋروپانىڭ ەكونوميكالىق «توڭكەرىستەرىنە» تاۋەلدى بولۋدى قالاي توقتاتۋ كەرەكتىگى تۋرالى ويلانۋى كەرەك دەپ مالىمدەدى. ونىڭ ايتۋىنشا، قازىر ەۋروپامەن قارىم-قاتىناستى قالپىنا كەلتىرۋ جولدارى تۋرالى ويلاۋدىڭ قاجەتى جوق»، - دەيدى راين ءوز مالىمدەمەسىندە.