استانا. KAZINFORM - گەرمانيا يزرايل پرەمەر-ءمينيسترى بينيامين نەتانياحۋدى حالىقارالىق قىلمىستىق سوت (ح ق س) اسكەري قىلمىس جاسادى دەگەن ايىپپەن تۇتقىنداۋعا وردەر بەرگەننەن كەيىن ۇستاۋعا دايىن ەكەنىن مالىمدەدى، دەپ جازادى The Jerusalem Post.
بەرليندەگى يزرايل ەلشىسى رون پروزور X الەۋمەتتىك جەلىسىندە فەدەرالدى ۇكىمەتكە حقس زاڭدىلىعىن تولىعىمەن قابىلداماۋدى سۇراپ ۇندەۋ جازدى.
الايدا كانتسلەر ولاف شولتس ۇكىمەتى ودان باس تارتتى.
سارسەنبى كۇنى ۇكىمەت وكىلى شتەففەن حەبەشترايتقا «گەرمانيا ۇكىمەتى «تەمىر قىلىش» وپەراتسياسى كەزىندە اسكەري قىلمىس جاسادى دەپ ايىپتالعان پرەمەر- مينيستر نەتانياحۋدى تۇتقىنداۋ تۋرالى بۇيرىقتى ورىنداي ما؟» دەگەن سۇراق قويىلدى.
«ارينە، ءبىز زاڭدى ساقتايمىز»، - دەپ جاۋاپ بەردى ول.
وسى اپتادا حقس باس پروكۋرورى كاريم حان يزرايل پرەمەر-ءمينيسترى نەتانياحۋ مەن قورعانىس ءمينيسترى يواۆ گالانتتى تۇتقىنداۋعا وردەر بەرۋدى سۇرادى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.