گەرمانيا مەن يسپانيادا رەسەي مۇددەسىنە اقپارات جيناعان كۇدىكتىلەر ۇستالدى

استانا. KAZINFORM - گەرمانيانىڭ سولتۇستىك رەين- ۆەستفاليا جەرىندەگى رەينە قالاسىندا اللا س. ەسىمدى ايەل ارنايى وپەراتسيا بارىسىندا ۇستالىپ، كارلسرۋە قالاسىنداعى فەدەرالدىق پروكۋراتۋراعا تاپسىرىلدى.

تەرگەۋ نۇسقاسىنا سايكەس، ول سىبايلاسىمەن بىرگە قارۋ- جاراق سالاسىنداعى مەنەدجەرگە قاتىستى تىڭشىلىق ارەكەت جۇرگىزبەك بولعان. ونىڭ سىبايلاسى يسپانيادا ۇستالعان. بۇل تۋرالى ەuronews جازدى.

رۋمىنيادا تۋعان 45 جاستاعى اللا س. بىرنەشە جىل بويى ەكى بالاسىمەن بىرگە رەينە قالاسىنداعى كوپقاباتتى ۇيدە تۇرعان. وتكەن سەيسەنبىدە ول قاماۋعا الىنىپ، ءىس فەدەرالدىق پروكۋراتۋراعا بەرىلگەن. ب ا ق مالىمەتىنشە، ونىڭ بالالارىن جەرگىلىكتى جاستار ءىسى جونىندەگى الەۋمەتتىك قىزمەت ءوز قاراۋىنا العان.

تەرگەۋ دەرەكتەرىنە قاراعاندا، ايەل يسپانيادا تۇرىپ، سول جەردە ۇستالعان ۋكراينا ازاماتى سانالاتىن سىبايلاسىمەن بىرگە ۋكرايناعا درون جەتكىزۋمەن اينالىسقان نەمىس كاسىپكەرىن باقىلاعان. تەرگەۋشىلەر ولاردىڭ ارەكەتى «نىسانعا قارسى جاسىرىن ءىس-قيمىلداردىڭ كەلەسى كەزەڭىن»- ءتىپتى قاستاندىق نەمەسە فيزيكالىق جويۋ ارەكەتىن دايىنداۋمەن بايلانىستى بولۋى مۇمكىن ەكەنىن جوققا شىعارمايدى.

كورشىلەرىنىڭ ايتۋىنشا، اللا س. تۇراتىن ۇيدە ونشا تانىمال بولماعان. ءبىراق ونىڭ پاتەرىنەن ءجيى ايقاي- شۋ ەستىلەتىن. BILD باسىلىمى كورشىلەرىن سوزگە تارتىپ كورگەن. ولاردىڭ ايتۋىنشا، ول كوبىنە كوڭىلسىز جۇرەتىن، باسپالداقتا كەزدەسكەندە امانداسپايتىن.

كارلسرۋەدەگى فەدەرالدىق پروكۋراتۋرانىڭ مالىمەتىنشە، باقىلاۋعا الىنعان كاسىپكەر 2025-جىلدىڭ جەلتوقسانىنان باستاپ رەسەيلىك اگەنتتەردىڭ نازارىندا بولعان. ال ناۋرىز ايىنىڭ باسىنان باستاپ اللا س. ونىڭ جەكە ءۇيىن ۇيالى تەلەفونعا ءتۇسىرىپ جۇرگەن.

تەرگەۋ ورگاندارىنىڭ باعالاۋىنشا، كۇدىكتىلەر «تومەن دەڭگەيلى اگەنتتەر» نەمەسە ء«بىر رەتتىك اگەنتتەر» بولۋى مۇمكىن. مۇنداي ادامدار ارنايى بارلاۋ دايىندىعىنان وتپەيدى، تاپسىرمالاردى از اقىعا ورىندايدى جانە كوبىنە كىمنىڭ تاپسىرما بەرىپ وتىرعانىن نەمەسە ارەكەتتەرىنىڭ ناقتى ماقساتىن بىلمەۋى مۇمكىن.

ەسكە سالا كەتەيىك، بۇعان دەيىان پولشا قورعانىس مينيسترلىگىنىڭ قىزمەتكەرى رەسەي پايداسىنا تىڭشىلىق جاساعانىن جازدىق.