گەرمانيا باسپانا سۇراعانداردىڭ شەتەلدىكتەردىڭ وتىنىشتەرىنىڭ جارتىسىن كەرى قايتاردى

استانا. قازاقپارات - 2024 -جىلدىڭ العاشقى ايلارىندا گەرمانيا باسپانا سۇراعان وتىنىشتەردىڭ جارتىسىنا جۋىعىن قابىلدامادى، الايدا ەلدەگى ميگرانتتار سانى ءالى ازايماي وتىر، دەپ جازادى BILD.

فەدەرالدى كوشى-قون باسقارماسى وسى جىلدىڭ العاشقى ءتورت ايىندا سيريا، يراك جانە اۋعاندىقتاردان باسپانا الۋ تۋرالى 50000-عا جۋىق ءوتىنىش تۇسكەنىن ايتادى. ساياسي باسپاناعا تەك 591 ءوتىنىش بەرۋشى يە بولدى، بۇل جالپى ءوتىنىش بەرۋشىلەردىڭ ءبىر پايىزى عانا.

تاعى 13165 ادام ازاماتتىق سوعىستان بوسقىن دەپ تانىلدى، ال 6867 ادام «قوسىمشا قورعانىس» الدى: ولارعا ءوز وتانىندا قاۋىپ ءتونىپ تۇرعاندىقتان قالۋعا رۇقسات بەرىلدى. گەرمانيا ۇكىمەتى بۇل سانداردى بۋندەستاگتاعى سولشىل پارتيانىڭ وتىنىشىنە جاۋاپ رەتىندە جاريالادى.

تيىسىنشە، باسپانا سۇراعانداردىڭ 53,4 پايىزى قابىلدانباعان. ءوتىنىش بەرۋشىلەرگە تۇرۋ قۇقىعى بەرىلمەي، ەلدەن كەتۋگە ءماجبۇر بولدى. ەگەر ولار كەتپەسە، ولاردى دەپورتاتسيالاۋعا تۋرا كەلەدى.

ميگرانتتار ەلگە زاڭسىز كىرەدى، ويتكەنى ولار باسپانا الۋ راسىمىنە قۇقىلى. بۇل پروتسەدۋرا جالعاسا وتىرىپ، ولارعا ەلدە قالۋعا، تۇرۋعا جانە كومەك الۋعا رۇقسات ەتىلگەن.

ساراپشىلاردىڭ ايتۋىنشا، ەگەر ولار بوسقىن رەتىندە ساياسي باسپانا دا، تۇرۋ قۇقىعىن دا الماسا، ولاردىڭ ءوز ەلدەرىنە، سيريا مەن اۋعانستانعا دەپورتاتسيالاۋ توقتاتىلعاندىقتان، گەرمانيادا قالۋى مۇمكىن. نەمەسە ولاردىڭ تۋعان ەلى قۇجاتتارىنىڭ جوقتىعىنان ولاردى قايتارۋدان باس تارتادى.

اۆتور
ەركەجان سماعۇلوۆا