استانا. KAZINFORM - جامبىل وبلىسىنىڭ اكىمدىگى ءماجىلىس دەپۋتاتتارىنا ەلەكتر توگىنىڭ كومەگىمەن بالىق اۋلايتىن براكونەرلەردى 10 جىلعا دەيىن باس بوستاندىعىنان ايىرىپ، 6 مىڭ ايلىق ەسەپتىك كورسەتكىش (23,6 ميلليون تەڭگە - رەد.) تەڭگە ايىپپۇل سالاتىن زاڭ نورمالارىن ەنگىزۋدى ۇسىندى.
بۇل تۋرالى اكىمدىكتىڭ دەپۋتاتتىق ساۋالعا جولداعان جاۋابىندا ايتىلعان.
- قازىرگى تاڭدا براكونەرلەر ەلەكتر توگىمەن بالىق اۋلايدى. بۇل پروبلەمانى شەشۋ ءۇشىن قىلمىستىق جاۋاپكەرشىلىكتى كۇشەيتۋ قاجەتتىلىگىن قولدايمىز. وسىعان وراي، قىلمىستىق كودەكسكە براكونەر ەلەكتر توگىمەن بالىق رەسۋرستارىن جانە باسقا دا سۋ جانۋارلارى مەن وسىمدىكتەرىن جاپپاي جويۋدىڭ ءتاسىلىن قولدانا وتىرىپ جاساسا، براكونەردىڭ مۇلكى تاركىلەنىپ، بەلگىلى بىر لاۋازىمداردى اتقارۋ نەمەسە بەلگىلى بىر قىزمەتپەن اينالىسۋ قۇقىعىنان ون جىلعا دەيىنگى مەرزىمگە ايىرۋ، التى مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋ، بەس جىلعا دەيىنگى مەرزىمگە باس بوستاندىعىن شەكتەۋ ەنگىزۋدى ۇسىنامىز، - دەپ جازىلعان جاۋاپتا.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан