ۇرلانعان اكتيۆتەردەن 770 ميلليارد تەڭگە بيۋدجەتكە قايتارىلدى - باس پروكۋرور

استانا. KAZINFORM - باس پروكۋرور بەرىك اسىلوۆ كەشە وتكەن قۇقىق قورعاۋ ورگاندارىنىڭ كەڭەيتىلگەن وتىرىسىندا مەملەكەت باسشىسىنا جاساعان بايانداماسىنان ءۇزىندى جاريالادى.

باقىلاۋشى ورگان جەتەكشىسىنىڭ جازۋىنشا، قازاقستان ادىلەتتىلىككە، زاڭ ۇستەمدىگىنە جانە تارتىپكە نەگىزدەلگەن دامۋ جولىمەن سەنىمدى ىلگەرىلەپ كەلەدى. كونستيتۋتسيالىق وزگەرىستەر پروكۋراتۋرانىڭ قۇقىق قورعاۋ الەۋەتىن كۇشەيتتى. قۇقىق قورعاۋ ورگاندارى جازالاۋشى تاسىلدەن پروفيلاكتيكا قاعيداتىنا كوشتى. حالىق سانى ءوسىپ جاتقانىمەن، ەلدەگى قىلمىس دەڭگەيى تومەندەۋدە. بۇل - بارلىق مەملەكەتتىك ورگاندار مەن قوعامدىق ينستيتۋتتاردىڭ جۇيەلى ءارى ناتيجەلى جۇمىسىنىڭ ناقتى كورسەتكىشى.

- سوڭعى جىلدارى قىلمىس دەڭگەيى 2 ەسەگە تومەندەدى، ادام ءولتىرۋ مەن زورلاۋ - P، بۇزاقىلىق - p، قاراقشىلىق پەن توناۋ -% 80 ازايدى. قىلمىستىق يندەكس بويىنشا قازاقستان بىرنەشە جىلدا الەمدىك رەيتينگتە 60 ساتىعا كوتەرىلدى. بۇل - تۇراقتىلىقتىڭ، رەفورمالاردىڭ جانە مەملەكەتكە دەگەن سەنىمنىڭ وبەكتيۆتى كورىنىسى.

ەلىمىزدە «زاڭ مەن ءتارتىپ» تۇجىرىمداماسى بەكىتىلدى. ول تەك كۇشتىك قۇرىلىمدارعا عانا ەمەس، بۇكىل قوعامعا قاتىستى. باستى ماقساتتار - قۇقىق بۇزۋشىلىقتارعا نولدىك توزىمدىلىك، زاڭدى قۇرمەتتەۋدى بالالىق شاقتان قالىپتاستىرۋ، مادەني- ادامگەرشىلىك جانە وتباسىلىق قۇندىلىقتاردى نىعايتۋ. وسىعان بايلانىستى قازىرگى تاڭدا وقۋشىلار مەن ستۋدەنتتەر اراسىندا قۇقىقتىق ساۋاتتىلىقتى ارتتىرۋعا ەرەكشە كوڭىل بولىنۋدە - بۇل ەلىمىز حالقىنىڭ ۇشتەن ءبىر بولىگىن قۇرايتىن توپ، - دەلىنگەن جازبادا.

بەرىك اسىلوۆتىڭ دەرەگىنشە، مەكتەپتەردە «زاڭ مەن ءتارتىپ» ءپانى ەنگىزىلۋدە. بۇل باستاما قوعام تاراپىنان قولداۋ تاپتى. پروكۋرورلار 2 ميلليون ازاماتتىڭ الەۋمەتتىك قۇقىقتارىن قالپىنا كەلتىردى. 4 ميلليارد تەڭگە ەڭبەكاقى بەرەشەگى - ونداعان مىڭ قىزمەتكەرگە قايتارىلدى، 12 ميلليارد تەڭگە اليمەنت - بالالاردىڭ پايداسىنا ءوندىرىلدى، 630 ميلليارد تەڭگە - مەملەكەت كىرىسىنە قايتارىلدى، 850 بالالار ءۇيىنىڭ تۇلەكتەرى مەن الەۋمەتتىك وسال ازاماتتار باسپانامەن قامتاماسىز ەتىلدى، تۇرعىن ءۇي ءبولۋ پراكتيكاسى قايتا قارالدى.

- ۇرلانعان اكتيۆتەردى قايتارۋ بويىنشا - 770 ميلليارد تەڭگە بيۋدجەتكە قايتارىلدى. وسى قاراجاتتىڭ ەسەبىنەن 300 دەن استام الەۋمەتتىك نىسان - مەكتەپتەر، اۋرۋحانالار، سپورت كەشەندەرى جانە شالعاي وڭىرلەردەگى 2 ميلليونعا جۋىق ادامدى تازا اۋىز سۋمەن قامتاماسىز ەتەتىن نىساندار سالىنىپ جاتىر. پروكۋراتۋرا ولاردىڭ ماقساتتى جۇمسالۋىن مۇقيات باقىلاۋدا ۇستاپ وتىر. اكتيۆتەردى زاڭداستىرۋ تۋرالى زاڭ اياسىندا 5,3 تريلليون تەڭگەدەن استام ينۆەستيتسيالار تارتىلعان ءىرى جوبالار بويىنشا ەرىكتى كەلىسىمدەر بار. بۇل - جۇمىس ورىندارى، ينفراقۇرىلىم جانە قىلمىستىڭ الدىن الۋ تەتىكتەرى.

پروكۋرورلار 1300 دەن استام ينۆەستورعا كومەكتەستى. وسى قولداۋدىڭ ناتيجەسىندە 10 مىڭنان استام جۇمىس ورنى اشىلىپ، ساقتالدى. بيزنەستىڭ قۇقىقتارىن قورعاۋ سالاسىندا ىلگەرىلەۋ بايقالادى: ازاماتتىق ىستەر بويىنشا ينۆەستورلارعا قارسى تالاپتار - % عا، ال بيزنەسكە قاتىستى قوزعالعان قىلمىستىق ىستەر سانى - 3,8 ەسەگە (1553 تەن 406 عا) قىسقاردى. قۇقىق قورعاۋ سالاسىنىڭ تسيفرلىق ترانسفورماتسياسى - باستى باعىتتارىمىزدىڭ ءبىرى، - دەپ جازدى باس پروكۋرور.

جاريالانىمعا قاراعاندا، بۇگىندە قىلمىستىق ىستەردىڭ � ى ەلەكتروندىق فورماتتا تەرگەلۋدە، تەرگەۋ مەن ىستەردى سوتقا جولداۋ مەرزىمدەرى قىسقارتىلدى، تەرگەۋ يزولياتورلارى مەن تۇزەۋ مەكەمەلەرىندە بەينەباقىلاۋ تولىق ەنگىزىلدى. ناتيجەسىندە ازاپتاۋ جاعدايلارى 4 ەسەگە ازايدى.

- «سيفرلىق قاداعالاۋ» جۇيەسى مەن جاساندى ينتەللەكت ەلەمەنتتەرى ارقىلى ىزدەۋدە جۇرگەن قىلمىسكەرلەر مەن بورىشكەرلەر اۆتوماتتى تۇردە انىقتالادى. جىل باسىنان بەرى 2500 ىزدەۋدەگى تۇلعا ۇستالدى. IT تەحنولوگيالار - قۇقىق بۇزۋشىلىقتاردىڭ الدىن الۋدىڭ جانە «نولدىك توزىمدىلىك» قاعيداتىن ىسكە اسىرۋدىڭ ماڭىزدى قۇرالىنا اينالدى. كيبەرقىلمىسقا قارسى ءىس- قيمىل كۇشەيتىلۋدە: حالىقارالىق كولل- ورتالىقتار جويىلۋدا، SIM بوكستار مەن SIP تەلەفونيا بۇعاتتالۋدا.

ەسىرتكى بيزنەسىمەن كۇرەستە جاڭا تاسىلدەر ەنگىزىلۋدە. حيميالىق زاتتاردىڭ اينالىمىنا تولىق باقىلاۋ ورناتۋعا باعىتتالعان تارگەتينگ-ورتالىق ىسكە قوسىلدى. 10 ميلليارد تەڭگەدەن استام ەسىرتكى قارجىسى بۇعاتتالدى. قازاقستان ەۋروپالىق قۇقىقتىق كومەك تۋرالى كونۆەنتسياعا قوسىلۋ جونىندە رەسمي شاقىرۋ الدى. بۇل - قۇقىقتىق جانە ديپلوماتيالىق ۇلكەن جەتىستىك. بۇل - ەۋروپالىق وداقتىڭ قازاقستاننىڭ قۇقىقتىق جۇيەسىن مويىنداۋى. مۇندا مەملەكەت باسشىسىنىڭ رولى ەرەكشە بولدى. بارلىق وسى رەفورمالار مەن باستامالار - ءبىر ماقساتقا باعىتتالعان: ادىلەتتى قازاقستان قۇرۋ. وندا زاڭ -بارىنە ورتاق، ال ءتارتىپ - دامۋدىڭ نەگىزى، - دەيدى بەرىك اسىلوۆ.