ەرلان قارين: ش ى ۇ سامميتى قازاقستان بەدەلىن جاڭا دەڭگەيگە شىعاردى

 استانا. KAZINFORM - مەملەكەتتىك كەڭەسشى ەرلان قارين 24.kz تەلەارناسىنا بەرگەن سۇحباتىندا ەلوردادا وتكەن ش ى ۇ سامميتى ەڭ اۋقىمدى شارالاردىڭ ءبىرى بولعانىن اتاپ ءوتتى.

«سىرتقى ساياسي اسپەكتىدەگى ماڭىزدى تۇجىرىم - بۇل سامميت قازاقستاننىڭ حالىقارالىق بەدەلىنىڭ جاڭا ماڭىزدى دەڭگەيگە شىققانىن ايقىندادى»، - دەپ اتاپ ءوتتى ەرلان قارين.

ش ى ۇ- عا مۇشە ەلدەردىڭ باسشىلارىنان بولەك، سامميتكە كوپتەگەن بايقاۋشى ەلدەر، دەلەگاتسيا باسشىلارى، سونداي- اق ءبىرقاتار حالىقارالىق ۇيىمداردىڭ باسشىلارى، ونىڭ ىشىندە ب ۇ ۇ باس حاتشىسى قاتىستى.

مەملەكەتتىك كەڭەسشى سوڭعى ۋاقىتتا كوپتەگەن شەتەلدىك ساراپشىلار، بايقاۋشىلار مەن ساياساتكەرلەر قازاقستاننىڭ حالىقارالىق ارەناداعى ءىس-قيمىلىنا، قانداي دا ءبىر باستامالارىنا، قازاقستاننىڭ ۇستانىمىنا ءتۇرلى باعا بەرگەنىن اتاپ ءوتتى.

وسىلايشا، جىل باسىندا گەرمانيانىڭ بەدەلدى سىرتقى ساياسات قورى قازاقستاندى العاش رەت ورتا دەرجاۆالار تىزىمىنە جاتقىزدى.

سامميتتە قازاقستاننىڭ سىرتقى ساياسي بەدەلى ءوز جەمىسىن بەردى، ونىڭ ءرولى مەن ۇستانىمى نىق ورنىقتى.

ەل باسشىسى قاسىم-جومارت توقايەۆتىڭ قازاقستاننىڭ ءادىل الەمگە ۇمتىلىسى تۋرالى ايتقان باستاماسى سامميتكە قاتىسۋشىلار مەن حالىقارالىق ساراپشىلار اراسىندا كورىنىس تاۋىپ، قولداۋ تاپقانى ءسوزسىز.

«ءادىل الەم» ءسوز تىركەسى ساياسي لەكسيكاعا ەندى.

«وسىلايشا، وتكەن ش ى ۇ سامميتىندە قازاقستان ءوزىنىڭ كۇن ءتارتىبىن ىلگەرىلەتىپ، جاڭا حالىقارالىق دەڭگەيگە شىعا الدى»، - دەپ قورىتىندىلادى ەرلان قارين.