- ءبىز حالىقتى مۇسىلمان، مۇسىلمان ەمەس دەپ ءبولىپ بارا جاتىرمىز. قازاق حالقى، قۇدايعا شۇكىر، ءاۋ باستان مۇسىلمان حالىق دەپ ايتامىز. ءبىراق سوڭعى كەزدەرى «ول ناماز وقيدى، مۇسىلمان عوي»، «ورازا ۇستايدى»، «مەشىتكە بارادى» دەگەن تۇسىنىك قالىپتاسىپ بارادى. سوندا قازاقتى ەكىگە بولە بەرەتىن بولساق، ءبىز حالىقتى قايدا سۇيرەپ بارا جاتىرمىز؟ - دەدى ول.
ونىڭ ايتۋىنشا، قوعامدى ءدىني ۇستانىمىنا قاراي جىكتەۋگە جول بەرمەۋ كەرەك.
- بۇنى ءبولىپ-جارماۋ كەرەك. بىزگە ۇلتتىق قۇندىلىقتارىمىزعا ءتان دۇنيەلەر بار، ءدىنىمىز بار. بولدى. ەگەر «مۇسىلماندىقتىڭ تويى» دەگەن ءسوزدى ايتاتىن بولساق، اۆتوماتتى تۇردە «مۇسىلمان ەمەستەردىڭ تويى» دەگەن تۇسىنىك شىعادى. قاراما-قايشىلىق وسى جەردە. سوندا «سەن كىمدەردىڭ تويىنا باردىڭ؟» دەگەندە، «كاپىرلەردىڭ تويىنا باردىق» دەپ ايتامىز با؟ بۇل دۇرىس نارسە ەمەس، - دەدى نۇرلان بايجىگىت ۇلى.
ول قازاقتىڭ تويلارى ءدىني تالاپتارعا قايشى كەلمەي، قاراپايىم ءارى وتباسىنىڭ جاعدايىنا قاراي ءوتۋى كەرەك ەكەنىن اتاپ ءوتتى.
- ءبىزدىڭ تويلارىمىزدىڭ بارلىعى شاريعاتتىڭ شەڭبەرىندە ءوتىپ جاتىر دەسەم، ارتىق ەمەس. تەك ىشىمدىك ماسەلەسى، شەكتەن شىعۋ ادەبى ءبىزدىڭ كۇندەلىكتى بولمىسىمىزعا دا قارسى بولىپ جاتىر. بۇل قوعامنىڭ دا تەرىس پىكىرىن تۋعىزىپ وتىر. سوندىقتان وسى ماسەلەلەردى رەتتەپ، تويدى ادامنىڭ ءوز جاعدايىنا قاراي، قارىزعا باتپاي، ەشكىمگە جاقسى كورىنۋگە تىرىسپاي، قاراپايىم ءارى جاقسى وتكىزگەن ءجون،-دەدى ول.
ول تويلاردا باسەكەگە ءتۇسىپ، وزگەدەن اسىپ تۇسۋگە ۇمتىلۋ ۇردىسىنە دە توقتالدى.
— ءبىز تويلاردىڭ اراسىندا ءجۇرمىز، تويدىڭ باتاسىن بەرىپ ءجۇرمىن. ءبىراق وكىنىشكە قاراي، «بىرەۋدەن قالمايىن، الدىما جان سالمايىن» دەگەن تۇسىنىك بار. بىرەۋ ءبىر نارسە تاراتسا، ءبىرى بريلليانت تاراتادى، ەندى ءبىرى اقشا بەرەدى. بىزدە «بارلىق نارسەنى ىستەتپەيتىن دۇنيە جوق» دەگەندەي تۇسىنىك قالىپتاسقان. تويلارىمىزدىڭ بارىندە «بايلىق نە دەگىزبەيدى، جوقتىق نە جەگىزبەيدى» دەگەن ءسوزدىڭ ءمانى كورىنىپ قالادى،-دەپ تۇيىندەدى ول.