گرەكياداعى ءورت: قايىق ەكيپاجىنىڭ 11 مۇشەسى كەپىلمەن بوساتىلدى

استانا. KAZINFORM - Persefoni I قايىعىنىڭ كاپيتانى مەن لەيتەنانتى جانە ەكيپاجدىڭ 11 مۇشەسى 21-ماۋسىمداعى يدرا ارالىنداعى ءورت ءۇشىن تەرگەۋشى مەن پروكۋروردىڭ كەلىسىمىمەن ۋاقىتشا ۇستالدى، دەپ حابارلايدى Kazinform اگەنتتىگى Euronews-كە سىلتەمە جاساپ.

ال ەكيپاجدىڭ 11 مۇشەسى اي سايىن جەرگىلىكتى پوليتسيا بولىمشەسىنە تىركەلىپ، ەلدەن كەتۋگە تىيىم سالىنىپ، كەپىلمەن بوساتىلدى. ادۆوكاتتاردىڭ ايتۋىنشا، ەكيپاجدىڭ جەتى مۇشەسى ءۇشىن 10000 ەۋرو، ال قالعان تورتەۋىنە 20000 ەۋرودان كەپىلدىك بەرىلگەن.

ءىستى قاراۋ ءۇشىن يدرا پورتىنىڭ بيلىگى جاعالاۋ كۇزەتى قاداعالايتىن تەڭىز ايماعىندا بولعان بارلىق قايىقتان ماعلۇمات جينادى، ويتكەنى كورشى شىعاناقتاعى باسقا كەمەنىڭ كۋاگەرلەرى ءورت شىققان ايماقتاعى قايىقتان وتشاشۋ اتىلدى دەپ شاعىمدانعان.

سوڭعى مالىمەتتەر بويىنشا، ياحتا كاپيتانى ياحتادان ەشقانداي وتشاشۋ اتىلماعانىن جانە بارلىق تەڭىز سيگنالدىق زىمىراندارى ورنىندا بولعانىن جانە ءوزى ءورت ءسوندىرۋ بولىمىنە ءورت تۋرالى حابارلاعانىن ايتۋدا.

ەسكە سالا كەتسەك، گرەكيانىڭ كليماتتىق داعدارىس جونىندەگى ءمينيسترى ۆاسيليس كيكيلياستىڭ حابارلاۋىنشا، جۇما كۇنى شىققان ءورت افينانىڭ وڭتۇستىگىندەگى ايگىلى تۋريستىك ارالداعى جالعىز قاراعايلى ورماننىڭ 300 شارشى مەترىن شارپىعان.