باستاپقىدا شاراعا 50 جۇپ قاتىسۋى كەرەك بولعان. الايدا رەسمي نەكە كۋالىگىن الىپ ۇلگەرگەن 25 جۇپ قانا سالتانات سارايىنداعى تاريحي وقيعانىڭ كەيىپكەرىنە اينالدى.
- 25 جۇپ تا الداعى ۋاقىتتا توي وتكىزۋدى جوسپارلاپ وتىرعان ءبىزدىڭ تۇتىنۋشىلارىمىز. ولارعا حابارلاسىپ، قازاقستاننىڭ كينەس رەكوردتار كىتابىنا ەنەتىندەرىن، تاريحتا قالاتىندارىن ايتقاننان كەيىن ءبارى وپ-وڭاي كەلىستى. بۇل - بارلىق ارىپتەستەرىمىزبەن بىرگە ۇيىمداستىرىلعان شارا. ءبارىمىز كينەس رەكوردتار كىتابىنا قالاي ەنۋگە بولاتىنىن اقىلداسىپ، وسى شارانى ۇيىمداستىرۋدى شەشتىك، - دەيدى ەركەبۇلان شايقىستان.
ال كينەس رەكوردتار كىتابىنىڭ رەسمي وكىلى ەلىمىزدە بۇعان دەيىن مۇنداي باعىتتا ەشقانداي رەكوردتىق وقيعا بولماعانىن ايتادى.
- بۇگىن بىزدە جاڭا رەكورد تىركەلدى. ەلورداداعى سالتانات سارايىندا بەتاشار ۇيىمداستىرىلىپ، 25 جۇپتىڭ نەكەسى قيىلدى. ءبىزدىڭ رەكوردتار كىتابىمىزدا بۇعان دەيىن بەتاشارعا قاتىستى رەكوردتىق جاعدايلار تىركەلمەگەن، - دەيدى اكەجان شىڭعىس.
تاريحي ءساتتىڭ كەيىپكەرىنە اينالعان جاس جۇبايلار بولسا، نەكە قيۋ ساتىندە ەرەكشە تولقىعاندارىن ايتادى.
- قازىر وتە ەرەكشە سەزىمدە تۇرمىز. ويتكەنى بۇل - قايتالانباس كۇندەردىڭ ءبىرى. بۇل بەتاشار جاقسى ءوتتى دەگەن ويدامىز. مۇنداي ۇسىنىس تۇسكەن كەزدە كەلىسۋ قيىنداۋ بولدى. سوڭىندا ويلانا كەلە، ەكەۋمىز قاتىساتىن بولىپ شەشتىك. ال ءبىزدىڭ سالتاناتتى تويىمىز تامىز ايىندا وتەدى، - دەيدى قۋانىش كادىربەك پەن سىمبات نۇرزىلدا.
ايتا كەتەيىك، بىرەر كۇن بۇرىن ءجۇزۋشى ادىلبەك مۋسين قازاقستان رەكوردىن جاڭارتقان ەدى.
ال قازاقستاندىق اسكەري قىزمەتشى اقش- تا وتكەن Best worrier بايقاۋىنا قاتىسىپ 800 م قاشىقتىققا جۇگىرۋدەن رەكورد ورناتتى.
اۆتور
ارۋجان ماحمۋت