رەكورد: پاريج وليمپياداسىنا 8,8 ميلليون بيلەت ساتىلدى
استانا. KAZINFORM - پاريج وليمپياداسىنا 8,8 ميلليون بيلەت ساتىلدى. رەكوردتىق كورسەتكىش تۋرالى جاڭالىقتى جۋرناليستەرگە حالىقارالىق وليمپيادا كوميتەتىنىڭ سپورت ديرەكتورى كيت ماككوننەلل حابارلادى.
«8,8 ميلليوننان استام بيلەت ساتىلدى - بۇل كەرەمەت سان، فرانسياداعى سپورتتىق ءىس-شارانىڭ ەڭ جوعارى كورسەتكىشى»، - دەپ ءتۇسىندىردى ول.
مۇنداي ساتىلىمدار وسى ۋاقىتقا دەيىن وليمپيادانىڭ رەكوردى بولىپ سانالادى. بۇعان دەيىن ەڭ كوپ بيلەتتەر 1996-جىلى اتلانتاداعى ويىندارعا ساتىلعان. ول كەزدە سپورت سۇيەر قاۋىم 8,3 ميلليون بيلەت العان. ويىنداردا قاۋىپسىزدىكتى قامتاماسىز ەتۋ ءۇشىن ءارتۇرلى قىزمەتتەردىڭ 30 مىڭعا جۋىق قىزمەتكەرى جۇمىلدىرىلىپ، وليمپيادا قالاشىعىندا 166 دەلەگاتسيا تىركەلگەن.
وليمپياداعا قازاقستان اتىنان 80 سپورتشى قاتىسادى. پاريجدەگى جازعى وليمپيادا ويىندارى 2024-جىلدىڭ 26-شىلدەسى مەن 11-تامىزى ارالىعىندا وتەدى.