«رەكەتيردەگى رۋسلان»: اكتەر مۇرات بيسەنبين قاتەرلى ىسىككە شالدىقتى

اكتەر مۇرات بيسەنبين قاتەرلى ىسىككە شالدىقتى. ارىپتەسى اكتەر سايات يسەمبايەۆ «رەكەتير» فيلمىندەگى مۇرات بيسەنبيننىڭ قاتەرلى ىسىككە شالدىققانىن جانە وعان كومەك قاجەت ەكەنىن حابارلادى.

كوپ ۇزاماي اكتەر دە ۇندەۋ جاسادى.

« بارىڭىزگە سالەم! سىزدەرگە جاقسىلىق تىلەيمىن. قولداۋ ءبىلدىرىپ جاتقان بارشا جانعا مىڭ العىس! جىلى سوزدەرىڭىزدىڭ ءبارىن وقىپ جاتىرمىن. دەنىمە ساۋلىق تىلەپ، تەزدەتىپ ساۋىعىپ شىعۋىمدى تىلەپ جاتىرسىزدار! سىزدەرگە كوپ راقمەت ايتامىن. مەن دە بۇل كەسەلدەن ەرتەرەك قۇتىلۋعا تىرىسامىن. اۋىرماڭىزدار!»، - دەپ جازدى اكتەر.

مۋرات بيسەنبين 51 جاستا. ول بىرنەشە فيلمگە تۇسكەن، ءبىراق ونىڭ باستى ءرولى - «رەكەتير» فيلمىندەگى رۋسلاننىڭ بەينەسى.

ەسكە سالايىق، «رەكەتير» - اقان ساتايەۆ تۇسىرگەن وتاندىق فيلم. 2007 -جىلى شىققان بۇل فيلم ءالى كۇنگە دەيىن كوپشىلىككە تانىمال.

بۇل كينوتۋىندى قازاقستاننىڭ كوممەرتسيالىق تۇرعىدان تابىستى العاشقى فيلمى بولدى. ول ءوزىن اقتاپ قانا قويماي، پايدا دا اكەلىپ، قازاقستاندىق كينەماتوگرافيانى وزگەرتكەن.

Alash.kz