«ۇركەر» ۇلتتىق سىيلىعىنىڭ جەڭىمپازدارى انىقتالدى

استانا. KAZINFORM - استانادا «ۇركەر - 2024» رەسپۋبليكالىق سىيلىعىن تابىستاۋ ءراسىمى ءوتتى.

ءداستۇرلى «ۇركەر» ۇلتتىق سىيلىعى 12 نوميناتسيا بويىنشا تابىستالدى. ۇيىمداستىرۋشىلاردىڭ ايتۋىنشا، بيىل باق وكىلدەرىنەن 400 ءوتىنىم تۇسكەن.

ايتا كەتەيىك، ب ا ق وكىلدەرىنىڭ جۇمىستارىن بەدەلدى جۋرناليستەر، سالانىڭ ەڭبەك سىڭىرگەن قايراتكەرلەرى مەن حالىقارالىق مەديا-ساراپشىلاردان قۇرالعان تاۋەلسىز قازىلار القاسى باعالادى.

كونكۋرس قورىتىندىسى بويىنشا ءار نوميناتسيانىڭ جەڭىمپازىنا «ۇركەر» - 2024 ەستەلىك مۇسىنشەسى مەن 1000000 تەڭگە كولەمىندە اقشالاي سىياقى تابىستالدى.

نەگىزگى نوميناتسيالاردان بولەك، مادەنيەت جانە اقپارات ءمينيسترى ايدا بالايەۆا «ۆرەميا» گازەتى ۇجىمىنا ارنايى سىيلىقتى تارتۋ ەتتى.

سونداي- اق، بالالار جازۋشىسى بەردىبەك سوقپاقبايەۆتىڭ 100 جىلدىق مەرەيتويىنا وراي ماراپات «زاڭ» گازەتىنە بۇيىردى.

«ۇركەر» سىيلىعىنىڭ جەڭىمپازدارى:

1. جىلدىڭ ۇزدىك سۇحباتى - نۇرلان ورازعاليەۆ (Inbusiness.kz)؛

2. جىلدىڭ ۇزدىك رەپورتاجى - يۋليا ابراموۆا (Nur.kz)؛

3. الەۋمەتتىك تاقىرىپتاعى ۇزدىك ماتەريال - كسەنيا ەۆدوكيمەنكو (Time.kz)؛

4. جىلدىڭ ۇزدىك جۋرناليستىك زەرتتەۋى - نۇرلات بايكەنجە (استانا اقشامى گازەتى)؛

5. جىلدىڭ ۇزدىك اناليتيكالىق ماتەريالى - تيمۋر نيتاليەۆ (Ulysmedia.kz)؛

6. راديوستانتسياداعى ۇزدىك جوبا - قىمبات دوسجان (قازاق راديوسى)؛

7. جىلدىڭ ۇزدىك فوتوسۋرەتى - سالي سابيروۆ (Olympic.kz)؛

8. جىلدىڭ ۇزدىك جاڭالىقتار پورتالى - Abai.kz؛

9. ۇزدىك وڭىرلىك ب ا ق - ناش كوستاناي گازەتى؛

10. حالىقارالىق ب ا ق- تا قازاقستان تۋرالى جاريالانعان ۇزدىك ماتەريال (باسپا، راديو، ينتەرنەت- جۋرناليستيكا سالاسىندا) - تورعىن اشەنوۆا (ومبى قازاقتارى گازەتى)؛

11. ۇزدىك پودكاست - NeQuryltay؛

12. ۇزدىك YouTube كانالى - Sayahat Time (balbal.kz) .