قىتايدىڭ چىڭدۋ قالاسىندا ەرەكشە جول اپاتى بولدى: ەلەكتر سكۋتەر مىنگەن ەر ادام ۋاقىتشا قويىلعان باعدارشامعا سوعىلىپ، باسى قۇرىلعىنىڭ ىشىنە كىرىپ كەتىپ، شىعا الماي قالعان، دەپ حابارلايدى odditycentral.com.
كۋاگەرلەردىڭ ايتۋىنشا، ەر ادام قۇلاپ تۇسكەن ساتتە ونىڭ باسى تەمىردىڭ ىشىندە قىسىلىپ قالدى. وقيعا ورنىنا شاقىرىلعان ءورت سوندىرۋشىلەر ونى قۇتقارۋعا كىرىستى. الايدا قۇتقارۋ جۇمىستارى وڭاي بولمادى: ماماندار شامامەن 40 مينۋت بويى مەتال قاپتامانى ابايلاپ كەسىپ، ەر ادامدى امان-ەسەن شىعارىپ الدى.
جابىرلەنۋشى كەيىن اۋرۋحاناعا جەتكىزىلىپ، دارىگەرلەر ونىڭ جاعدايى تۇراقتى ەكەنىن حابارلادى. دەنساۋلىعىنا ايتارلىقتاي زاقىم كەلمەگەنىمەن، الەۋمەتتىك جەلىدە بۇل وقيعا قىزۋ تالقىلانىپ، ازىلگە اينالدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан