استانا. KAZINFORM - قازاقستاندىق دزيۋدوشى فينالدىق بەلدەسۋدە ماجار دزيۋدوشىسى پاتريك وتۆوشتى جەڭدى، دەپ حابارلايدى تۋريزم جانە سپورت مينيسترلىگىنىڭ باسپا ءسوز قىزمەتى.
جاپونيادا ءوتىپ جاتقان سۋردليمپيادادا ۇلتتىق قۇراما سپورتشىسى ەركەبۇلان كانافين (81 ك گ) فينالدىق بەلدەسۋدە ماجار دزيۋدوشىسى پاتريك وتۆوشتى سەنىمدى تۇردە جەڭىپ، سۋردليمپيادانىڭ چەمپيونى اتاندى.
- قازاقستاندىق سپورتشى جارىس بويى قارسىلاستارىنا مۇمكىندىك بەرمەي، شەشۋشى كەزدەسۋدە دە باسىمدىقتى تولىق ءوز جاعىندا ۇستاي الدى، - دەلىنگەن حابارلامادا.
بۇدان بۇرىن ەۆگەني كوشكين كونكيمەن جۇگىرۋدەن الەم كۋبوگى كەزەڭىندە كۇمىس جۇلدە العانىن جازعان ەدىك.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.