رەجەپ تايپ ەردوعان ۇ سامميتىنە قاتىسۋ ءۇشىن استاناعا كەلدى
17:40, 03 - شىلدە 2024
استانا. KAZINFORM - تۇركيا پرەزيدەنتى رەجەپ تايپ ەردوعاننىڭ ۇشاعى استاناعا قوندى. ەلوردا اۋەجايىندا تۇرىك باسشىسىن پرەمەر- مينيستر ولجاس بەكتەنوۆ قارسى الدى.
رەجەپ تايىپ ەردوعان 3-4-شىلدەدە وتەتىن شاڭحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24- وتىرىسىنا قاتىسادى.
تۇركيا - ۇيىمعا سەرىكتەس ەل.
ايتا كەتۋ كەرەك، تۇركيا قازاقستاننىڭ ەڭ ءىرى ساۋدا سەرىكتەستەرىنىڭ بەستىگىنە ءارى ينۆەستور ەلدەردىڭ ۇزدىك 20 سىنا كىرەدى.
وسى جىلدىڭ 4 ايىندا ءوزارا ساۋدا كولەمى $1,6 ميللياردقا جەتتى. ەكى ەلدىڭ ۇكىمەتتەرى ساۋدانىڭ تۇراقتى كولەمىن كەمىندە $10 ميلليارد دەڭگەيىندە جوسپارلى تۇردە قامتاماسىز ەتۋ بويىنشا جۇمىس ىستەۋدە.