- تۇركى مەملەكەتتەرى ۇيىمىنىڭ جىلدان-جىلعا نىعايىپ، وڭىرلىك ىنتىماقتاستىقتىڭ ۇلگىلى مودەلىنە اينالىپ كەلە جاتقانىنا قۋانىشتىمىز،-دەدى رەجەپ تايپ ەردوعان.
ول سونداي-اق 30-قازاندا انكارادا وتەتىن تۇركى مەملەكەتتەرى ۇيىمىنىڭ 13-سامميتىنە نازار اۋداردى. تۇركيا پرەزيدەنتىنىڭ ايتۋىنشا، الداعى جوعارى دەڭگەيدەگى كەزدەسۋ ۇيىم الدىندا جاڭا مۇمكىندىكتەر اشىپ، ىنتىماقتاستىقتىڭ جاڭا باعىتتارىن ايقىنداۋعا ىقپال ەتەدى.
تۇركيا پرەزيدەنتىنىڭ ب ۇ ۇ مىنبەرىنەن تۇركى مەملەكەتتەرى ۇيىمىنا ارنايى توقتالۋى تۇركى الەمىندەگى ىنتىماقتاستىقتىڭ حالىقارالىق كۇن تارتىبىندەگى ورنى ارتىپ كەلە جاتقانىن كورسەتتى. ال ت م ۇ-نىڭ الداعى رەسمي ءسامميتى ۇيىمعا مۇشە ەلدەر اراسىنداعى ىقپالداستىقتىڭ الداعى باعىتتارىن تالقىلايتىن ماڭىزدى الاڭ بولماق.
سونداي-اق رەجەپ تايپ ەردوعان ب ۇ ۇ باس سسامبلەياسىندا سويلەگەن سوزىندە قازىرگى حالىقارالىق قاتىناستار جۇيەسىنە دە توقتالىپ، جاھاندىق ماسەلەلەردى شەشۋدە كوپجاقتى ىنتىماقتاستىق پەن ديپلوماتيانىڭ ءرولىن كۇشەيتۋ قاجەتتىگىن اتاپ ءوتتى.
تۇركيا پرەزيدەنتى ب ۇ ۇ قاۋىپسىزدىك كەڭەسىن رەفورمالاۋ قاجەتتىگى جونىندەگى ۇستانىمىن تاعى دا ءبىلدىردى.
ايتۋىنشا، داعدارىس پەن قاقتىعىس جايلاعان ەلدەردەگى حالىقتىڭ ب ۇ ۇ-نىڭ بەيبىتشىلىك ورناتۋ مۇمكىندىگىنە دەگەن سەنىمى بىرتىندەپ السىرەپ بارا جاتىر. سونىمەن قاتار ول حالىقارالىق جۇيەگە دەگەن سەنىمدى قايتا قالپىنا كەلتىرۋ قاجەتتىگىن ايتىپ، ب ۇ ۇ باس حاتشىسىنىڭ رەفورمالارعا باعىتتالعان باستامالارىن، سونىڭ ىشىندە «ب ۇ ۇ-80» باستاماسىن قولدايتىنىن ءبىلدىردى. تۇركيا پرەزيدەنتى قاۋىپسىزدىك كەڭەسىن رەفورمالاۋ جونىندەگى ۇستانىمىن تاعى دا قايتالاپ، 193 مەملەكەتتىڭ ەرىك-جىگەرى كەڭەستىڭ بەس تۇراقتى مۇشەسىنىڭ شەشىمىنە تاۋەلدى بولاتىن جۇيە حالىقارالىق قوعامداستىقتىڭ تولىق سەنىمىنە يە بولا المايتىنىن مالىمدەدى. وسى ورايدا ول بۇعان دەيىن بىرنەشە رەت اتاپ وتكەن «الەم بەس ەلدەن ۇلكەن» قاعيداتىن تاعى دا ەسكە سالدى.
وسىعان دەيىن ەردوعان تۇركيانڭ تۇركى مەملەكەتتەرىمەن قورعانىس ونەركاسىبى سالاسىنداعى تاجىريبەسىمەن بولىسۋگە دايىن ەكەنىن مالىم ەتكەن بولاتىن.