ەرەجە بۇزعان 400 دەي تۇلەكتىڭ ۇ ب ت ناتيجەسى جويىلدى

استانا. KAZINFORM - قازاقستاندا 400 دەي تۇلەك تەست ەرەجەسىن بۇزعان. تۇلەكتەردىڭ ورتاشا بالى - 68.

ۇلتتىق تەستىلەۋ ورتالىعى 396 تۇلەكتىڭ تەست ناتيجەسى جويىلعانىن ءمالىم ەتتى.

ۇ ب ت باستالعالى بەرى 211 مىڭ رەت تەست تاپسىرىلعان. ونىڭ ىشىندە تالاپكەرلەردىڭ 76 پايىزى شەكتى بال جيناپ وتىر.

تۇلەكتەردىڭ ورتاشا بالى – 68، ال ازىرگە رەسپۋبليكا بويىنشا ەڭ جوعارى بال - 138. سونداي-اق ۇ ب ت- عا ەرەكشە ءبىلىم بەرۋ قاجەتتىلىگى بار 577 تالاپكەر قاتىستى.

اتاپ ايتقاندا:

سمارتفون، شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان 267 تالاپكەر تەست تاپسىرۋ مۇمكىندىگىنەن ايىرىلدى؛

تەستىلەۋ كەزىندە ەرەجەلەردى بۇزعانى ءۇشىن اۋديتوريادان 120 ادام شىعارىلدى؛

بەينەجازبالاردى تەكسەرۋدەن سوڭ ەرەجە بۇزعان 9 ادامنىڭ ناتيجەسى جويىلدى؛

بوگدە تۇلعالار انىقتالعان جوق.

تەستكە قاتىسۋشىلاردىڭ باسىم بولىگى، ياعني 18 پايىزى «ماتەماتيكا-فيزيكا»، 16 پايىزى «بيولوگيا-حيميا» پاندەر كومبيناتسياسىن تاپسىردى. تۇلەكتەردىڭ 15 پايىزى «شىعارماشىلىق ەمتيحان» كومبيناتسياسىن تاڭداعان.