رەفەرەندۋم: الماتى اكىمى داۋىس بەردى

الماتى. KAZINFORM - الماتى اكىمى ەربولات دوسايەۆ ا ە س قۇرىلىسى بويىنشا رەفەرەندۋمدا ءوز تاڭداۋىن جاسادى.

الماتى اكىمى ەربولات دوسايەۆ جۇبايىمەن بىرگە № 48-مەكتەپ-ليتسەيىندە ورنالاسقان № 388-رەفەرەندۋم ۋچاسكەسىنە قازاقستاندا ا ە س سالۋ تۋرالى رەفەرەندۋمدا داۋىس بەردى.

فوتو: الماتى اكىمدىگى

ەسكە سالايىق، بۇگىن قازاقستاندىقتار اتوم ەلەكتر ستانسياسىن سالۋ ماسەلەسى بويىنشا رەفەرەندۋمدا داۋىس بەرەدى.

ايتا كەتەيىك، الماتىدا جالپى حالىقتىق رەفەرەندۋمدا داۋىس بەرۋ 624 ۋچاسكەدە ءجۇرىپ جاتىر. ونىڭ 549 ى ازاماتتاردى تۇراقتى تىركەۋ ورىندارى بويىنشا بولسا، ال 75 ى - اۋرۋحانالار، ساناتوريلەر جانە اسكەري بولىمدەر سياقتى ۋاقىتشا ورنالاسقان ورىندار.

سونداي-اق، 172 ۋچاسكەدە تىركەۋدى تەكسەرۋ سەرۆيستەرى ورناتىلادى. ولار داۋىس بەرۋشىلەر ءوزىن تىزىمىنەن تاپپاعان جاعدايدا قولدانىلادى.

مەگاپوليستە 1,2 ميلليون استام ادام داۋىس بەرۋگە قۇقىلى.

اۆتور
الما مۇقانوۆا