استانا. KAZINFORM - تۇركيا پرەزيدەنتى رەجەپ تايىپ ەردوعان سەنبى كۇنى سيريا پرەزيدەنتى احمەد اش-شاراامەن كەزدەستى. ىستامبۇلداعى دولماباحچە پرەزيدەنتىنىڭ رەزيدەنتسياسىندا رەسمي قارسى الۋ ءراسىمى ءوتتى، دەپ حابارلايدى قازاقپارات Anadolu اگەنتتىگىنە سىلتەمە جاساپ.
كەلىسسوزگە سىرتقى ىستەر ءمينيسترى حاكان فيدان، ۇلتتىق قورعانىس ءمينيسترى ياسار گۇلەر، ۇلتتىق بارلاۋ ۇيىمى (MIT) باسشىسى يبراحيم كالىن، قورعانىس ونەركاسىبى پرەزيدەنتىنىڭ باسشىسى حالۋك گورگۋن، سيريا سىرتقى ىستەر ءمينيسترى اساد حاسان شەيباني جانە باسقا دا رەسمي تۇلعالار قاتىستى.
كەزدەسۋ باسپا سوزگە جابىق ەسىك جاعدايىندا ءوتتى.
14-مامىردا ا ق ش سانكتسيالارىنىڭ كۇشى جويىلعان تۇستا پرەزيدەنت دونالد ترامپ سيريا ليدەرى احمەد اش-شاراامەن العاشقى رەسمي كەزدەسۋىن وتكىزىپ، ۆاشينگتون مەن داماسك اراسىنداعى قارىم-قاتىناستا جاڭا كەزەڭدى اشتى. سونىمەن قاتار سيريا پرەزيدەنتى يزرايلمەن جاناما كەلىسسوزدەر جۇرگىزىلگەنىن راستادى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан