رايىمبەك باتالوۆ ۆاليۋتا باعامى جايىندا: تاۋارلاردىڭ ءبىر بولىگىنىڭ باعاسى وسەدى

استانا. KAZINFORM - «اتامەكەن» ۇ ك پ باسقارما ءتوراعاسى رايىمبەك باتالوۆ دوللار باعامىنا قاتىستى پىكىر ءبىلدىردى.

«ارينە، ءبىز كوپتەگەن تاۋارلار مەن جيىنتىقتاردىڭ وپتەگەن جەتكىزىلىمى بويىنشا باعامعا تاۋەلدىمىز. ءبىراق، جالپى العاندا قايعىراتىنداي ەشتەڭە قاتتى ءجۇرىپ جاتقان جوق. بۇل تۇسىنىكتى دە. الايدا، ەكىنشى جاعىنان بۇل وتە سەزىمتال جايت. سوندىقتان قارايتىن بولامىز. مەنىڭشە، ءبىز ۇكىمەتپەن بىرگە پىسىقتاپ جاتۇان قازاقستاندىق قامتۋ ۇلەسىن ارتتىرۋ جونىندەگى باعدارلاما بار… ءوندىرىس ۇلكەن بولعان سايىن باعامنىڭ ىقپالى دا از بولادى»، - دەدى ول ەلوردادا ءوتىپ جاتقان ا و ى س ش ك ىسكەرلىك كەڭەسىنىڭ 7-وتىرىسى اياسىندا.

وسى ورايدا «اتامەكەن» ۇ ك پ باسقارماسىنىڭ ءتوراعاسى ۆاليۋتا باعامىنا قاتىستى پىكىر بىلدىرەتىن ساراپشى ەمەستىگىن، سوندىقتان بولجام جاساۋ ورىن بولاتىندىعىن اتاپ ءوتتى.

«ءبىز بيزنەس رەتىندە بۇل جاعدايعا بەيىمدەلەتىندىگىمىزدى اتاپ وتكىم كەلەدى. دەگەنمەن، ەگەر باعام ارتا بەرەتىن بولسا، وندا بارىنشا اۋىرتپالىق بولارى ءسوزسىز. ەكسپورتتاۋشىلارعا بۇل جاقسى. ال ءبىر نارسە وندىرەتىن، وڭدەيتىن، يمپورت شيكىزات پەن جيىنتىقتار الاتىندار ءۇشىن قيىن. مۇنىڭ سوڭعى ونىمگە قالاي اسەر ەتەتىندىگىنە كەلسەك، تاۋارلاردىڭ ءبىر بولىگىنىڭ باعاسى وسەدى، تاۋارلاردىڭ تاعى ءبىر بولىگىندە تۇراقتايدى»، - دەدى رايىمبەك باتالوۆ.

اۆتور
مارلان جيەمباي