راپيرامەن سەمسەرلەسۋدەن قازاقستان چەمپيوناتىنىڭ ۇزدىكتەرى انىقتالدى

 استانا. KAZINFORM - شىمكەنتتە راپيرامەن سەمسەرلەسۋدەن 23 جاسقا دەيىنگى سپورتشىلار اراسىندا وتكەن ەل بىرىنشىلىگىندە جەڭىمپازدار انىقتالدى.

ۇلتتىق وليمپيادالىق كوميتەتتىڭ مالىمەتىنشە، ەرلەر جانە ايەلدەر اراسىنداعى كوماندالىق سىندا الماتى قالاسىنىڭ سپورتشىلارى ۇزدىك اتاندى.

ال، ەرلەر اراسىنداعى جەكەلەي سىندا عالىم نۇرىموۆ توپ جارسا، قىزدار اراسىندا التىن مەدالدى سوفيا اقتايەۆا جەڭىپ العان.

ايتا كەتەيىك، ەكى سپورتشى دا ۇلتتىق قۇراما قاتارىندا ونەر كورسەتەدى.

ەسكە سالساق، بۇعان دەيىن شىمكەنتتە سەمسەرلەسۋدەن 23 جاسقا دەيىنگى سپورتشىلار اراسىندا قازاقستان چەمپيوناتى ءوتىپ جاتقانىن جازعان ەدىك.