وقيعا 11 -قازانعا قاراعان ءتۇنى قالا ورتالىعىنداعى مەيرامحانالاردىڭ ءبىرىنىڭ جانىندا بولعان.
باسىلىم مالىمەتىنشە، بويى شامامەن 1,2 مەتر بولاتىن روبوت قۇربىلارىمەن بىرگە تۇرعان 16 جاستاعى قىزعا ارت جاعىنان جاقىنداپ، ونىڭ بوكسەسىنە قول تيگىزگەن. ودان كەيىن جىنىستىق سيپاتتاعى قيمىلدار جاساعان.
الدىن الا اقپارات بويىنشا، روبوتتىڭ 16 جاستاعى يەسى مەن ونىڭ 19 جاستاعى تانىسى بولعان جاعدايدى ۆيدەوعا ءتۇسىرىپ، قۇرىلعىنىڭ ارەكەتتەرىنە تۇسىنىكتەمە بەرىپ وتىرعان. سونىمەن قاتار وقيعانى الەۋمەتتىك جەلىدە تىكەلەي ەفير ارقىلى كورسەتكەن دەگەن بولجام بار.
پوليتسيا شاقىرىلعاننان كەيىن قۇقىق قورعاۋ قىزمەتكەرلەرى وقيعاعا قاتىسى بار ادامداردى جاقىن ماڭنان انىقتاعان. ال روبوت سول كەزدە اۆتوكولىكتىڭ جۇكسالعىشىنا جاسىرىلعان ەكەن.
ءتارتىپ ساقشىلارى روبوت پەن كۇدىكتىلەرگە تيەسىلى ەكى ۇيالى تەلەفوندى تاركىلەگەن.
قازىر تەرگەۋشىلەر روبوتتىڭ قالاي باسقارىلعانىن جانە ونىڭ ارەكەتتەرىن بىرەۋ ادەيى باعىتتاعان-باعىتتاماعانىن انىقتاپ جاتىر.
وقيعاعا بايلانىستى جىنىستىق سيپاتتاعى ءتيىسۋ دەرەگى بويىنشا تەرگەۋ باستالدى.
ايتا كەتەيىك، گەرمانيادا جۇرگىزىلگەن ساۋالنامادا تۇرعىنداردىڭ 45 پايىزى جاساندى ينتەللەكتىنىڭ دامۋى الداعى بەس جىلدا ءومىر ساپاسىن ناشارلاتۋى مۇمكىن دەپ الاڭداۋشىلىق بىلدىرگەن.