وسىلايشا، ولاردىڭ سانى 2025-جىلدىڭ بۇكىل كورسەتكىشىنەن ءۇش ەسەدەن استام اسىپ وتىر. بىلتىر مۇنداي 3879 ءوتىنىش تىركەلگەن.
بۇل رەتتە ۆەدومستۆو وتىنىشتەردى قاراۋ كەزىندە ەلەۋلى قيىندىقتار تۋىنداعانىن حابارلادى. ۆەدومستۆو وكىلىنىڭ ايتۋىنشا، «دۇرىس مەكەمەگە جولدانباعان وتىنىشتەر وتە كوپ»، سوندىقتان ولار «قارالماستان كەرى قايتارىلۋى ءتيىس».
وتىنىشتەر سانىنىڭ كۇرت وسۋىنە قاۋىپسىزدىك سالاسىنداعى شيەلەنىستى جاعداي جانە بۋندەسۆەرگە شاقىرۋ جۇيەسىن رەفورمالاۋ تۋرالى 1-قاڭتاردان باستاپ كۇشىنە ەنگەن زاڭ سەبەپ بولدى. قۇجاتقا سايكەس، 2026-جىلدان باستاپ 18 جاستاعى ەر ازاماتتار گەرمانيا قارۋلى كۇشتەرىنە قوسىلۋعا دايىن با دەگەن سۇراققا جاۋاپ بەرەتىن ساۋالنامانى تولتىرۋى ءتيىس.
جاستاردىڭ اسكەري قىزمەتتەن الدىن الا باس تارتاتىنىن مالىمدەۋگە قۇقىعى بار.
2011-جىلى توقتاتىلعان مىندەتتى اسكەري قىزمەت بۋندەستاگتىڭ شەشىمىمەن قايتادان ءىشىنارا ەنگىزىلۋى مۇمكىن. ەرىكتىلەر سانى قاجەتتى دەڭگەيگە جەتپەگەن جاعدايدا «قاجەتتىلىك تۋىنداعان كەزدەگى اسكەري مىندەت» دەپ اتالاتىن تەتىك ىسكە قوسىلۋى جوسپارلانىپ وتىر.
2035-جىلعا قاراي گەرمانيانىڭ اسكەري قىزمەتتەگى ازاماتتارىنىڭ سانىن 186 مىڭنان 260 مىڭعا دەيىن ارتتىرۋ كوزدەلگەن.
بۇعان دەيىن گەرمانيادا ساياسي باسپانا سۇراعاندار سانى 2012-جىلدان بەرگى ەڭ تومەن دەڭگەيگە تۇسكەنىن جازعانبىز.