تاريحي ۇشاق اۆياتسيالىق پايداعا جاراتىلماي، ەكىنشى ومىرگە يە بولدى. Aviation Upcycling نەمىس كومپانياسى لاينەردىڭ ءتۇپنۇسقا اليۋميني كورپۋسىنان برەلوكتار، باگاج جاپسىرمالارى مەن بوكال قوياتىن تۇعىرلار جاساپ، ساتىلىمعا شىعاردى.
كادەسىيلاردىڭ باعاسى ارزان ەمەس. ولشەمى 9,5x 9,5 سانتيمەتر بولاتىن بوكال تۇعىرى 89,20 ەۋرو، ال برەلوك 79,29 ەۋرو تۇرادى. باعاسىنا قاراماستان، ەكى ءونىم ءتۇرى دە ساتىلىپ كەتكەن. بۇرىنعى ۇكىمەتتىك ۇشاقتىڭ ءبىر بولشەگىنە يە بولعىسى كەلەتىندەر ازىرگە 34,66 ەۋرودان باستالاتىن باگاج جاپسىرمالارىنا تاپسىرىس بەرە الادى.
الايدا لاينەردىڭ بارلىق بولىگى قايتا وڭدەۋگە جىبەرىلمەگەن. فيۋزەلياجدىڭ ۇزىندىعى شامامەن 30 مەتر بولاتىن ەڭ ۇلكەن بولىگى بەرلين- گاتوۆ اەرودرومىندا مۋزەي ەكسپوناتىنا اينالادى.
كەلۋشىلەر گەرمانيانىڭ جوعارى لاۋازىمدى ساياساتكەرلەرى پايدالانعان ۇشاق ىشىندەگى بولمەلەردى كورە الادى. ولاردىڭ قاتارىندا ۇشقىشتار كابيناسى، ەكى ءماجىلىس زالى جانە دەلەگاتسيا باسشىسىنا ارنالعان جەكە كابينەت بار.
«كونراد ادەناۋەر» ۇشاعى 2011 -جىلدان 2023 -جىلعا دەيىن گەرمانيا ۇكىمەتىنىڭ قىزمەتىندە بولعان. وسى كەزەڭدە ول ەلدىڭ كانسلەرلەرىن، پرەزيدەنتتەرىن، بۋندەستاگ باسشىلارىن جانە سىرتقى ساياسي ۆەدومستۆو جەتەكشىلەرىن تاسىمالداعان.
ۇشاق قىزمەت ەتكەن ۋاقىتتىڭ ەداۋىر بولىگى انگەلا مەركەلدىڭ كانسلەرلىگى كەزەڭىنە سايكەس كەلگەندىكتەن، وعان بەيرەسمي تۇردە «مەركەل بورتى» دەگەن اتاۋ بەرىلگەن.
2022 -جىلعى قاراشادا گەرمانيا قارۋلى كۇشتەرى جاڭا Airbus A350-900XWB ۇكىمەتتىك ۇشاعىن پايدالانۋعا بەردى. وعان دا گەرمانيا فەدەراتيۆتىك رەسپۋبليكاسىنىڭ تۇڭعىش كانسلەرى كونراد ادەناۋەردىڭ ەسىمى بەرىلگەن.