بيىل ماۋسىم ايىندا گەرمانيانىڭ «Patriot» اۋە قورعانىس بولىمشەسى تۇركيانىڭ مالاتيا قالاسىنا ورنالاستىرىلعان بولاتىن. ەندى نەمىس اسكەري قىزمەتشىلەرى بۇل ەلدە 2027 -جىلعى ساۋىرگە دەيىن قىزمەت ەتەدى. بولىمشە قۇرامىندا بۋندەسۆەردىڭ 150-گە جۋىق اسكەري قىزمەتشىسى بار.
ناتو جانىنداعى گەرمانيا وكىلدەرىنىڭ مالىمدەۋىنشە، بولىمشە ۇيىمنىڭ اۋە كەڭىستىگىن قورعاۋ جانە زىمىران شابۋىلىنا قارسى قورعانىسىن كۇشەيتۋگە ۇلەس قوسىپ وتىر. باستاپقى جوسپار بويىنشا نەمىس اسكەري قىزمەتشىلەرى تۇركيادا 2026 -جىلعى قىركۇيەككە دەيىن قالۋعا ءتيىس ەدى.
«Patriot» جۇيەسى يران قاتىسقان قاقتىعىسقا بايلانىستى ناتو- نىڭ زىمىران شابۋىلدارىنان قورعانىسىن كۇشەيتۋ ءۇشىن تۇركياعا ورنالاستىرىلدى. گەرمانيا اسكەري قىزمەتشىلەرى ونى ەلدىڭ شىعىسىندا ناتو- نىڭ اۋە قورعانىس قۇرىلىمىنىڭ قۇرامىندا پايدالانىپ وتىر.
«Patriot» - ۇشاقتاردى، قاناتتى زىمىرانداردى جانە بالليستيكالىق زىمىرانداردىڭ كەيبىر تۇرلەرىن انىقتاپ، ولاردىڭ جولىن كەسۋگە ارنالعان امەريكالىق اۋە قورعانىس جۇيەسى.
بۇعان دەيىن يراننىڭ تۇركياعا «زىمىران شابۋىلدارىن» تەكسەرۋ ءۇشىن بىرلەسكەن توپ قۇرۋدى ۇسىنعانى تۋرالى حابارلاعان ەدىك.