گەرمانيا ۇكىمەتىنىڭ باسشىسى ەلدە ەلەكتر ەنەرگياسىن ءوندىرۋ كولەمىن ارتتىرۋ قاجەت ەكەنىن، بۇل ەنەرگەتيكالىق تاريفتەردى تۇراقتاندىرۋعا جانە مۇمكىن بولسا تومەندەتۋگە باعىتتالعانىن ايتقان.
ونىڭ ايتۋىنشا، ەكى اپتا بۇرىن گاننوۆەردەگى ونەركاسىپتىك جارمەڭكەدە بۇل يدەيانىڭ قيال ەمەس، كەرىسىنشە قولجەتىمدى ماقسات ەكەنى جانە گەرمانيانىڭ وسى باعىتتاعى عىلىمي زەرتتەۋلەردە الدىڭعى قاتاردا ەكەنى كورىنگەن. 13-مامىردا فەدەرالدىق ۇكىمەت ەلەكتر ستانسيالارىن دامىتۋ ستراتەگياسىن بەكىتەدى جانە ەلدە جاڭا گاز ەلەكتر ستانسيالارىن سالۋعا ارنالعان كونكۋرس راسىمدەرىن ىسكە قوسادى. بۇل ستانسيالار ەنەرگەتيكالىق جۇيەنىڭ بازالىق جۇكتەمەسىن قامتاماسىز ەتۋگە ءتيىس.
مەرس سونىمەن قاتار بۇل ماقساتقا جەتۋ ءۇشىن جاڭا گاز ەلەكتر ستانسيالارى قاجەت ەكەنىن، ولار جاڭارتىلاتىن ەنەرگيا كوزدەرىن كەڭەيتۋمەن قاتار جۇمىس ىستەيتىنىن جانە «جاسىل ەنەرگەتيكانى دامىتۋ باعىتىنا ەش كۇمان كەلتىرىلمەيتىنىن» اتاپ ءوتتى.
ايتا كەتەيىك، وتكەن ايدا فريدريح مەرس گەرمانيا ساياساتكەرلەرى رەيتينگىندە العاش رەت سوڭعى ورىنعا تۇسكەن بولاتىن.