بۇل تۋرالى 2026-جىلعى 8-مامىردا بەلگىلى بولدى. ءتيىستى جارلىق اقوردانىڭ باسپا ءسوز قىزمەتى ارقىلى جاريالاندى.
- مەملەكەت باسشىسىنىڭ جارلىعىمەن مۇرات ءنالقوجا ۇلى ەرگەشبايەۆ قىزىلوردا وبلىسىنىڭ اكىمى لاۋازىمىنا تاعايىندالدى،-دەلىنگەن حابارلامادا.
جاڭا اكىمنىڭ تاعايىندالۋى ءوڭىردى باسقارۋ جۇيەسىندەگى كادرلىق وزگەرىستەر اياسىندا جۇزەگە استى.
مۇرات ەرگەشبايەۆ 1966-جىلى قىزىلوردا قالاسىندا تۋعان. الماتى حالىق شارۋاشىلىعى ينستيتۋتىن جانە قازاقستان رەسپۋبليكاسى پرەزيدەنتىنىڭ جانىنداعى ۇلتتىق جوعارعى مەملەكەتتىك باسقارۋ مەكتەبىن بىتىرگەن.
ەڭبەك جولىن 1989-جىلى سىرداريا اۋدانىندا جامبىل كەڭشارىنىڭ ەكونوميستى رەتىندە باستاپ، سىرداريا اۋداندىق ونەركاسىپ بىرلەستىگىنىڭ ءبولىم باستىعى قىزمەتتەرىن اتقارعان.
سونداي-اق وبلىستا بانك سالاسىندا ءتۇرلى باسشىلىق لاۋازىمدار اتقىرىپ، ق ر توتەنشە جاعدايلار مينيسترلىگىنىڭ "ءورت ءسوندىرۋشى" اكسيونەرلىك قوعامىنىڭ ۆيتسە-پرەزيدەنتى بولعان.
2008-2017-جىلدارى قىزىلوردا قالاسىنىڭ اكىمى، وبلىستىق قارجى باسقارماسىنىڭ باستىعى، قارماقشى جانە شيەلى اۋداندارىنىڭ اكىمى، الماتى قالاسى بويىنشا تۇتىنۋشىلاردىڭ قۇقىقتارىن قورعاۋ دەپارتامەنتى باسشىسىنىڭ ورىنباسارى، "قازاگروونىم" اكسيونەرلىك قوعامىنىڭ باسقارۋشى ديرەكتورى، قىزىلوردا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى قىزمەتتەرىن اتقارعان.
2017-جىلعى قازان ايىنان باستاپ 2021-جىلعا دەيىن قازالى اۋدانىنىڭ اكىمى قىزمەتىن اتقاردى. 2021-2023 ارالىعىندا سىرداريا اۋدانىنىڭ اكىمى بولدى.
2023-جىلعى ناۋرىزدان باستاپ ول قازاقستان رەسپۋبليكاسى پارلامەنتى ءماجىلىسى VIII شاقىرىلىمىنىڭ دەپۋتاتى بولىپ، AMANAT پارتياسى پارتيالىق ءتىزىمى بويىنشا سايلانعان.