- دۇيسەنبىدەن بەرى 5 مىڭنان استام ادام ۇستالدى، - دەدى ءى ءى م باسشىسى.
ءمينيستردىڭ ايتۋىنشا، جۇما كۇنى قۇقىق قورعاۋ ورگاندارى نارازىلىق اكسياسىنا قاتىسقان 1747 ادامدى ۇستاعان. بۇل الدىڭعى كۇنگى كورسەتكىشتەن از. بەيسەنبىدە ۇستالعاندار سانى 1954 ادام بولعان.
ونىڭ مالىمەتىنشە، 2-قازاندا 735 ءبىلىم بەرۋ مەكەمەسىنىڭ ماڭىندا نارازىلىق شارالارى وتكەن. ولاردىڭ 158 دە عيماراتتارعا زيان كەلگەن.
جوعارى سىنىپ وقۋشىلارىنىڭ نارازىلىعى وتكەن اپتادا ەل استاناسى ورنالاسقان يل-دە-فرانس وڭىرىندە باستالىپ، قازىر بۇكىل فرانسياعا تارادى. وقۋشىلار وقۋ جۇكتەمەسىنىڭ شامادان تىس كوپتىگىنە، مۇعالىمدەردىڭ جەتىسپەۋشىلىگىنە جانە ءبىلىم بەرۋ سالاسىنداعى باسقا دا جۇيەلى ماسەلەلەرگە نارازىلىق ءبىلدىرىپ جاتىر.
ءبىرقاتار وڭىردە بەيبىت اكسيالار جاپپاي تارتىپسىزدىككە جانە قۇقىق قورعاۋ ورگاندارىمەن قاقتىعىسقا ۇلاسقان. نارازىلىقتارعا بايلانىستى ۇلتتىق ءبىلىم ءمينيسترى ەدۋار جەففرە ءبىرقاتار وقۋ ورنىن قاشىقتان وقىتۋ فورماتىنا كوشىرۋ تۋرالى شەشىم قابىلدادى.
بۇعان دەيىن جاپپاي نارازىلىققا بايلانىستى 400 دەن استام ليتسەي جابىلاتىنى تۋرالى حابارلانعان بولاتىن.