اتتال كەلەسى جىلى وتەتىن سايلاۋ ناۋقانى اياسىندا ەل بويىنشا ساپارلارىن جالعاستىرىپ جاتىر.
بۇرىنعى پرەمەر-مينيستر اتتال كەشە رەيمستەگى ميتينگتە 27 مەملەكەتتەن تۇراتىن ەۋروپالىق وداق (ە و) ءوز مۇمكىندىكتەرىنىڭ شەگىنە جەتكەنىن ايتتى.
قازىرگى جۇيەمەن ءارى قاراي ىلگەرىلەۋ مۇمكىن ەمەس ەكەنىن اتاپ وتكەن اتتال ءوز ۇرپاعىنىڭ ەۋروپانىڭ قۇلدىراۋىنىڭ كۋاسى بولۋىنا كونگىسى كەلمەيتىنىن مالىمدەدى.
- مەن ءوز ۇرپاعىمنىڭ ەۋروپانىڭ ا ق ش- تىڭ 51-شتاتىنا نەمەسە قىتايدىڭ 24-پروۆينتسياسىنا اينالعانىن كورگەنىن قالامايمىن، - دەدى اتتال.
ونىڭ ايتۋىنشا، ەۋروپانى بارلىق جەردە ونى كۇيرەۋگە الىپ بارا جاتقان ۇلتشىلداردىڭ ىقپالىنان شىعاراتىن ۋاقىت كەلدى.
«مەن ءبىرتۇتاس مەملەكەت قۇرۋدى ۇسىنبايمىن»
- مەنىڭ ويىمشا، ۇرپاعىمنىڭ باستى مىندەتى - ەۋروپا تۋرالى ارماندى جۇزەگە اسىرىپ، ەۋروپانىڭ قۇراما شتاتتارىن قۇرۋ، - دەدى ول.
ونىڭ ايتۋىنشا، بۇل جوبانى جۇزەگە اسىرۋ ءۇشىن «ەۋروپانىڭ قۇراما شتاتتارىنىڭ» قۇرامىنا كىرەتىن بارلىق مەملەكەتتە ءبىر ۋاقىتتا رەفەرەندۋم وتكىزۋدى ۇسىنادى.
- ارينە، مەن ءبىرتۇتاس مەملەكەت قۇرۋدى ۇسىنىپ وتىرعان جوقپىن، - دەدى ساياساتكەر.
اتتال بۇل جوبا اياسىندا الدىمەن ەكونوميكا مەن ەكولوگيا سالالارىندا مىقتى وزەك قۇرايتىن ءبىر توپ ەۋروپا ەلىن بىرىكتىرۋدى كوزدەيتىنىن ايتتى. سونىمەن قاتار جوبا جۇزەگە اسقان جاعدايدا مەملەكەتتەر وزدەرىنىڭ ەگەمەندىك وكىلەتتىكتەرىن، تىلدەرى مەن ينستيتۋتتارىن ساقتايتىنىن اتاپ ءوتتى.
گابريەل اتتال ءوزى ۇسىنىپ وتىرعان «ەۋروپانىڭ قۇراما شتاتتارى» اياسىندا «ەكونوميكالىق شەكارالاردى» تولىعىمەن جويۋدى كوزدەيتىنىن مالىمدەدى.
ايتا كەتەيىك، فرانسيا پرەزيدەنتى سايلاۋىنىڭ ءبىرىنشى تۋرى 2027-جىلعى 18-ساۋىردە، ەكىنشى تۋرى 2-مامىردا وتەدى.
بۇعان دەيىن فرانسيادا بەنزين باعاسى تاريحي رەكورد جاڭارتقانىن جازعان بولاتىنبىز.