رامزان قادىروۆتىڭ پۋلەمەتپەن جابدىقتالعان Cybertruck كولىگىن يلون ماسك «قاشىقتىقتان ءوشىرىپ قويعان»
08:32, 20 - قىركۇيەك 2024
استانا. KAZINFORM - «يلون ماسكتىڭ بۇل ءىسى دۇرىس ەمەس. قىمبات سىيلىقتى شىن جۇرەكتەن بەرەدى دە، سودان كەيىن ونى قاشىقتىقتان ءوشىردى»، - دەپ جازدى قادىروۆ Telegram كانالىندا.
شەشەنستان باسشىسىنىڭ ايتۋىنشا، كولىك مايداندا «جاۋىنگەرلىك تاپسىرمالاردى تاماشا ورىنداعان»، ءبىراق ماسك جۋىردا Cybertruck كولىگىن قاشىقتىقتان وشىرگەن.
17-تامىزدا رامزان قادىروۆ يلون ماسك توبەسىندە اۆتوماتى بار Cybertruck بەرگەنىن جانە بۇل كولىك رەسەيدىڭ ۋكرايناداعى ارنايى اسكەري وپەراتسياسىنا جىبەرىلەتىنىن حابارلاعان. 19-تامىزدا يلون ماسك بۇل مالىمدەمەلەردى جوققا شىعاردى.
ەسكە سالا كەتەيىك، بۇعان دەيىن يلون ماسكتىڭ Neuralink كومپانياسى ميدىڭ كورۋ قىرتىسى زاقىمدانباعان سوقىرلاردىڭ كورۋ قابىلەتىن قالپىنا كەلتىرەتىن Blindsight قۇرىلعىسىنا رۇقسات العانىن جازعان بولاتىنبىز.