استانا. KAZINFORM - شەشەنستان رەسپۋبليكاسىنىڭ باسشىسى رامزان قادىروۆتىڭ جيەنى ادام چەرحيگوۆ ايماقتىڭ كولىك، بايلانىس جانە سيفرلىق دامۋ ءمينيسترى بولىپ تاعايىندالدى.
«رامزان چەرحيگوۆتىڭ ورنىنا ادام چەرحيگوۆ شەشەنستان رەسپۋبليكاسىنىڭ كولىك، بايلانىس جانە سيفرلىق دامۋ ءمينيسترى بولىپ تاعايىندالدى. بۇعان دەيىن ادام شەشەنستان رەسپۋبليكاسى ۇكىمەتىنىڭ مەكتەپكە دەيىنگى ءبىلىم بەرۋ كوميتەتىنىڭ ءتوراعاسى قىزمەتىن اتقارعان»، - دەدى رامزان قادىروۆ Telegram ارناسىندا.
سونداي- اق ش ر ۇكىمەتىنىڭ مەكتەپكە دەيىنگى ءبىلىم بەرۋ كوميتەتىن ش ر ءبىلىم جانە عىلىم مينيسترلىگىنىڭ قۇرىلىمىنا قوسۋ تۋرالى شەشىم قابىلداندى.
ايتا كەتەيىك، ادام چەرحيگوۆتىڭ اكەسى - رامزان قادىروۆتىڭ اپكەسى زارگاننىڭ كۇيەۋى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.