دەپۋتاتتاردىڭ پىكىرىنشە، جاڭا زاڭ جوباسىندا ءتورت تۇلىك مالدى ۆاكسيناتسيالاۋ، مال سويۋ الاڭدارىنىڭ جاي-كۇيىن باقىلاۋ، مال ۇرلىعىنىڭ الدىن الۋ شارالارىن كۇشەيتۋ جولدارى قاراستىرىلعان. سونداي-اق ۆەتەرينار مامانداردى الەۋمەتتىك تۇرعىدا قولداۋ، اتاپ ايتقاندا ولاردىڭ جالاقىسىن كوتەرۋ، ءتيىستى كيىممەن ءارى قۇرال-جابدىقتارمەن قامتۋ، ءبىلىمىن جەتىلدىرۋگە جاعداي جاساۋ جانە باسقا دا شارالار كوزدەلىپ وتىر. وتاندىق ەت وندىرۋشىلەرگە قولداۋ كورسەتۋ سىندى ماڭىزدى ماسەلە دە نازاردان تىس قالمايدى.
— ۆەتەريناريا تۋرالى زاڭعا ەنگىزىلەتىن وزگەرىستەردەگى جاڭاشىلدىقتار ۆەتەريناريانىڭ دەڭگەيىن جوعارى حالىقارالىق دەڭگەيگە كوتەرۋگە باعىتتالعان. ونىڭ اياسىندا مال ونىمدەرىن ەسەپكە الۋدان باستاپ تۇتىنۋشىعا جەتكەنگە دەيىنگى ارالىقتا قاۋىپسىزدىكتى ساقتاۋعا باقىلاۋ كۇشەيتىلۋى ءتيىس. سونىمەن قاتار، ۆەتەرينار ماماندارعا الەۋمەتتىك قولداۋ كورسەتۋ، ياعني جالاقىلارىنىڭ ءوسۋى، ارنايى كيىم، قۇرالدارمەن قامتاماسىز ەتۋ قاراستىرىلعان جانە ولارعا ءبىلىمىن كوتەرۋگە، وقۋعا جاعداي جاسالادى. سونداي-اق مالعا ەگىلەتىن ەكپەلەردىڭ ساپاسىن جوعارى دەڭگەيگە كوتەرۋ، ونىڭ ساپاسىن باقىلايتىن مامانداردى ءوز ەلىمىزدە دايارلاۋ كوزدەلگەن، — دەدى قۇرىلتاي دەپۋتاتى، زاڭ جوباسى بويىنشا جۇمىس توبىنىڭ جەتەكشىسى بوتا ەلەۋسىزوۆا.
ءوز كەزەگىندە ق ر ا ش م ۆەتەريناريالىق باقىلاۋ جانە قاداعالاۋ كوميتەتى ءتوراعاسىنىڭ ورىنباسارى تاسقىن قىزايبايەۆ، زاڭ جوباسى اياسىندا قازاقستان اۋماعىندا فارماتسيەۆتيكالىق ينسپەكتورلار دەگەن ۇعىم ەنگىزىلىپ جاتقانىن ايتتى.
— بولاشاقتا بۇل زاڭ قابىلدانسا، ۆەتەريناريالىق پرەپاراتتاردى وندىرۋشىلەرگە GNP ستاندارتى بويىنشا سەرتيفيكات بەرە الامىز. سونىمەن قاتار، ءوز ەلىمىزدە ۆەتەريناريالىق سانيتاريالىق ينسنپەكتورلاردىڭ قۇرامىنا فارماتسيەۆتيكالىق ينسپەكتورلاردىڭ قۇزىرەتتەرىن دە كىرگىزەتىن بولامىز، — دەدى ۆەدومستۆو وكىلى.
بۇعان دەيىن رەسپۋبليكالىق ۆەتەريناريالىق زەرتحانا قىزمەتكەرلەرىنىڭ جالاقىسى &- عا وسكەنىن جازعان ەدىك.