ەر مەن ايەلدىڭ باسەكەسى: عالىمدار قىزعانىشتىڭ جاڭا ءتۇرىن اشتى

استانا. قازاقپارات - ەرلەر مەن ايەلدەر اراسىنداعى قىزعانىش تاقىرىبىن زەرتتەگەن جاڭا عىلىمي جۇمىس جارىق كوردى. Frontiers in Psychology جۋرنالىندا جاريالانعان زەرتتەۋ گەندەرلىك قىزعانىشتى الەۋمەتتىك جانە بيولوگيالىق ايىرماشىلىقتار ارقىلى تۇسىندىرەدى.

زەرتتەۋشىلەر انىقتاعانداي، ايەلدەر كوبىنە ەرلەردىڭ الەۋمەتتىك ارتىقشىلىقتارىن جانە بيولوگيالىق ەركىندىگىن قىزعانادى. ولار ەرلەردىڭ جوعارى جالاقى، مانساپتىق ءوسۋ مۇمكىندىكتەرى جانە سىرتقى كەلبەتكە نەمەسە ەموتسيونالدىق ەڭبەككە بايلانىستى قوعامنىڭ قىسىمىنان بوس ەكەنىن اتاپ ءوتتى. سونىمەن قاتار، ايەلدەر ەرلەردىڭ «قاراپايىم، سترەسستەن از» ءومىر سالتىن جانە ءۇي شارۋاسى مەن بالا كۇتىمىنە بايلانىستى مىندەتتەردىڭ ازدىعىن قىزعاناتىنىن جەتكىزدى.

ەرلەر بولسا، ايەلدەردىڭ تارتىمدىلىعى، سۇلۋلىعى مەن سۇيكىمدىلىكتى قولدانا الۋ قابىلەتىن قىزعانادى. سونىمەن قاتار، ايەلدەردىڭ ەموتسيالارىن اشىق بىلدىرۋىنە جانە قوعامنىڭ قىسىمىنان قورىقپاۋىنا تاڭدانىس بىلدىرەدى. ەرلەر انالىق ءرولدى، اسىرەسە جاڭا ءومىردى دۇنيەگە اكەلۋ قابىلەتىن ەرەكشە قىزعاناتىندارىن اتاپ ءوتتى.

زەرتتەۋشىلەر جاڭا ۇعىمدى - «ابلياتيۆتى قىزعانىشتى» انىقتادى. بۇل قىزعانىش ءتۇرى ادامنىڭ باسقا بىرەۋدىڭ باسىنان وتپەيتىن، ءبىراق ءوزى ءۇشىن اۋىر جانە قاجەتسىز جاعدايلاردان ارىلۋدى قالاۋىن بىلدىرەدى.

زەرتتەۋ چەحيا حالقى اراسىندا جۇرگىزىلدى. وعان 15 جاستان اسقان 1769 ادام قاتىستى. ساۋالناماعا جاۋاپ بەرگەندەردىڭ B ى ايەلدەر مەن V ى ەرلەر قاراما-قارسى جىنىسقا مۇلدە قىزعانىش بىلدىرمەيتىنىن اتاپ ءوتتى. بۇل گەندەرلىك ايىرماشىلىقتار قوعامدا بار بولعانىمەن، كوپشىلىگى ولاردى بەيتاراپ نەمەسە قالىپتى تۇردە قابىلدايتىنىن كورسەتەدى.

زەرتتەۋ اۆتورلارى، ونىڭ ىشىندە وستراۆ ۋنيۆەرسيتەتىنىڭ پروفەسسورى ميحاەلا كراكوۆسكا، بۇل قۇبىلىستى باسقا مادەني جانە الەۋمەتتىك كونتەكستتە دە زەرتتەۋدى جوسپارلاپ وتىر. زەرتتەۋشىلەر قىزعانىشتىڭ سەبەپتەرىن، ونىڭ الەۋمەتتىك ديناميكاعا اسەرىن جانە پراكتيكالىق شەشىمدەردى تابۋدى ماقسات ەتەدى.

بۇل جۇمىس ەرلەر مەن ايەلدەر اراسىنداعى قارىم-قاتىناستى تەرەڭىرەك تۇسىنۋگە جانە ولاردىڭ اراسىنداعى الەۋەتتى قاقتىعىستاردى بولدىرماۋعا باعىتتالعان.