ەر ادام 6-قاباتتان قۇلاعان بالانى جەرگە تۇسىرمەي قاعىپ العان

  استانا. KAZINFORM - قىتايدىڭ فۋجيان ولكەسى پۋچىن اۋدانىندا ەر ادام 6-قاباتتان قۇلاعان بالانى جەرگە تۇسىرمەي قاعىپ العان، دەپ حابارلايدى قىتايدىڭ «جەنمين جيباو» اقپاراتتىق پورتالى.

اتالعان ب ا ق- تىڭ مالىمەتىنشە، فۋجيان ولكەسى پۋچىن اۋدانى يۋيجين حۋافۋ شاعىن اۋدانىندا 3 جاستاعى ۇل بالا ابايسىزدا 6-قاباتتان قۇلاپ كەتكەن. وسىنداي قاۋىپتى ساتتە، جولدان ءوتىپ بارا جاتقان سۋي ليانحاي ەسىمدى ەر ادام بالانى جەرگە تۇسىرمەي قاعىپ العان.

باقىلاۋ كامەراسىنان بايقالعانىنداي، بالا الدىمەن ەكىنشى قاباتتاعى جارناما تاقتاسىنىڭ ۇستىنە قۇلاپ تۇسكەن. سۋي ءبىر جاعىنان تەلەفون سوعىپ تۇرسا، ەندى ءبىر جاعىنان قۇلاپ كەلە جاتقان بالانى جەرگە تۇسىرمەي قولىمەن ۇستاپ قالعان.

«اسا قاۋىپتى ساتتە، ول ومىرىنە تونگەن قاۋىپكە قاراماي، قۇلاعان بالانى قوس قولىمەن قاعىپ الادى. دەر كەزىندە قۇتقارعاندىقتان، بالانىڭ ومىرىنە قاۋىپ تونبەگەن، ەر ادامدا جارالانباعان»، دەپ جازادى قىتايلىق ب ا ق.

اۆتور

بەيسەن سۇلتان