قىزىلوردادا بۇيرەك ترانسپلانتاتسياسىنا بايلانىستى كۇردەلى وتا جاسالدى

قىزىلوردا. KAZINFORM - قىزىلوردادا وبلىستىق كوپبەيىندى اۋرۋحانادا بۇيرەك ترانسپلانتاتسياسىنا بايلانىستى كۇردەلى وتا جاسالدى. وتا بارىسىندا 24 جاستاعى ازاماتشاعا 45 جاستاعى اپاسى دونور بولدى.

ناۋقاسقا تەرمينالدى بۇيرەك جەتىسپەۋشىلىگى دياگنوزى قويىلعان. ول ەڭ العاش 2018 -جىلى ترانسپلانتاتسيا جاساتقان. ول كەزدە اعاسى دونور بولعان. الايدا ناۋقاس پاندەميا كەزىندە COVID-19 دەرتىنە شالدىعىپ، بۇيرەك اۋرۋىن اسقىندىرىپ العان. سوندىقتان ناۋقاس ەكىنشى مارتە وتا جاساتۋعا ءماجبۇر بولعان.

فوتو: قىزىلوردا وبلىستىق كوپبەيىندى اۋرۋحاناسى

«كۇردەلى وتانى اۋرۋحانا ديرەكتورى، PhD دوكتور، ترانسپلاتولوگ جاسۇلان بايماحانوۆ، ديرەكتوردىڭ حيرۋرگيا جونىندەگى ورىنباسارى ەربول سەرىك ۇلى جانە ا. ن. سىزعانوۆا اتىنداعى ۇلتتىق عىلىمي حيرۋرگيا ورتالىعىنىڭ بۇيرەك ترانسپلانتاتسياسى، ۋرولوگيا جانە نەفرولوگيا بولىمشەسىنىڭ بىلىكتى ماماندارى جاسادى. بىلىكتى ماماندار ءوز تاجىريبەسىمەن ەلىمىزدىڭ بارلىق دارىگەرلەرىنە ونلاين شەبەرلىك ساعاتى ارقىلى ءبولىستى. وپەراتسيا ءساتتى ءوتتى»، - دەپ اتاپ ءوتتى اۋرۋحانادان.

وبلىستا بىلىكتى ماماندار ارتىپ، كۇردەلى وتالار جاسالىپ جاتىر. ايتا كەتۋ كەرەك، بۇل - ايماقتاعى بەسىنشى بۇيرەك ترانسپلاتاتسياسى.

اۆتور
ءادىلجان ۇمبەت