قىزىلوردادا ايەلىن ۇرىپ-سوققان 3-توپ مۇگەدەگىنە قاتىستى تەرگەۋ باستالدى
قىزىلوردا. KAZINFORM - قىزىلوردا قالالىق پوليتسيا باسقارماسى كۇيەۋى ۇرىپ-سوققان ايەلدىڭ الەۋمەتتىك جەلىدەگى ۆيدەوسىنا قاتىستى تۇسىنىك بەردى.
جۋرناليست جازيرا بەگالى 25-ناۋرىز كۇنى Facebook الەۋمەتتىك جەلىسىندە قىزىلوردا قالاسى تاسبوگەت كەنتىنىڭ تۇرعىنى ساۋلە اكىموۆانىڭ تۇرمىستىق زورلىق-زومبىلىق قۇربانى بولعانى تۋرالى جازبا جاريالادى.
- ايەل اۋرۋحانادا تازالىقشى بولىپ جۇمىس ىستەيدى. ەرىنىڭ سوققىسىنان ەكى قابىرعاسى شىتىناپ كەتكەنىن ايعاقتايتىن انىقتاما بار. جابىرلەنۋشىنىڭ ايتۋىنشا، جۇبايى قىزعانىپ، ءجيى ۇرىپ-سوعادى، - دەلىنگەن جازبادا.
قالالىق پوليتسيا باسقارماسى دەنساۋلىققا قاساقانا ورتاشا اۋىرلىقتا زيان كەلتىرۋ دەرەگى بويىنشا تەرگەۋ باستالعانىن مالىمدەدى.
- ازاماتشا ەكى بالاسىمەن بىرگە داعدارىس ورتالىعىنا ورنالاستىرىلدى. ولارعا جان-جاقتى پسيحولوگيالىق، قۇقىقتىق كومەك جانە الەۋمەتتىك قولداۋ كورسەتىلىپ جاتىر. وتباسىن زورلىق-زومبىلىقتان قورعاۋ ماقساتىندا كۇدىكتىگە (Ⅲ توپ مۇگەدەگى) قاتىستى قورعاۋ نۇسقاماسى شىعارىلدى. باسقارمانىڭ وتباسىلىق-تۇرمىستىق زورلىق-زومبىلىققا قارسى كۇرەس بولىمشەسىنىڭ قىزمەتكەرلەرى ءتيىستى پروفيلاكتيكالىق جۇمىس جۇرگىزىپ جاتىر، - دەدى باسقارمانىڭ بولىمشە باستىعى ءلايلا تۋىسبايەۆا.
قىلمىستىق ءىس وبلىستىق پوليتسيا دەپارتامەنتى باسشىلىعىنىڭ باقىلاۋىندا.
ەسكە سالساق، ەلىمىزدە جىل سايىن پوليتسياعا تۇرمىستىق زورلىق-زومبىلىق تۋرالى 100 مىڭنان استام حابارلاما تۇسەدى.
اۆتور
نازەركە سانيازوۆا