قىزىلوردا وبلىسىندا قىركۇيەكتە اۋدان اكىمىنىڭ سايلاۋى وتەدى

شيەلىدە 50716 سايلاۋشى تىركەلگەن. اۋداندا 40 سايلاۋ ۋچاسكەسى جۇمىس ىستەيدى. وندا 272 ۋچاسكەلىك كوميسسيا مۇشەسى قىزمەت اتقارادى.

«ق ر سايلاۋ تۋرالى كونستيتۋتسيالىق زاڭىنا سايكەس اۋدان اكىمىنىڭ سايلاۋىن وتكىزۋدىڭ كۇنتىزبەلىك جوسپارى بەكىتىلگەن. اۋدان اكىمىنە ۇمىتكەر ازاماتتار ۇسىنىم قۇجاتىن 21-تامىزدا ساعات 18.00-گە دەيىن اۋداندىق سايلاۋ كوميسسياسىنا وتكىزۋى كەرەك. ال كانديداتتاردى تىركەۋ 23-تامىز كۇنى ساعات 18.00-دە اياقتالادى. كانديداتتار ءۇشىن ۇگىت كەزەڭى 23-تامىز ساعات 18.01-دەن 14-قىركۇيەك كۇنى ساعات 00.00-دە دەيىن بەلگىلەنگەن. ال 14-قىركۇيەك تىنىشتىق كۇنى، 15 -قىركۇيەك داۋىس بەرۋ كۇنى بولىپ بەكىتىلگەن. كانديداتتار ساياسي پارتيا جانە ءوزىن-ءوزى ۇسىنۋ جولىمەن ۇمىتكەر بولا الادى»، - دەپ اتاپ ءوتتى وبلىستىق سايلاۋ كوميسسياسىنان.

ايتا كەتسەك، قىزىلوردا وبلىسىندا كەنت جانە اۋىلدىق وكرۋگ اكىمدەرىنىڭ دە سايلاۋى قارقىندى جۇرگىزىلىپ جاتىر. جىل باسىنان بەرى 2 كەنت جانە 15 اۋىلدىق وكرۋگتە تۇرعىندار ءوز تاڭداۋىن جاسادى.

ەسكە سالساق، شيەلى اۋدانىنىڭ بۇرىنعى اكىمى نۇرجان احاتوۆ قىزىلوردا قالاسىنىڭ اكىمى قىزمەتىنە تاعايىندالعان ەدى.

اۆتور

ءادىلجان ۇمبەت