قىزىلوردا وبلىسىندا ەكى اۋداندا اكىم سايلاۋى ءوتىپ جاتىر

قىزىلوردا وبلىسىندا سىرداريا جانە شيەلى اۋداندارىنىڭ تۇرعىندارى بۇگىن اكىم سايلاۋىنا قاتىسادى، دەپ حابارلايدى Kazinform.

ەكى اۋداندا 70 مىڭنان استام ادام تاڭداۋ جاساي الادى. بۇل ماقساتتا سىرداريادا – 18، شيەلىدە 40 ۋچاسكەلىك كوميسسيانىڭ 388 مۇشەسى جۇمىس اتقارادى.

«بۇل اۋدانداردا 70 مىڭنان استام سايلاۋشى تىركەلگەن. العاش رەت داۋىس بەرەتىن ازاماتتارعا ارنايى سىيلىقتار ۇيىمداستىرىلادى. سايلاۋ كوميسسيالارىنىڭ مالىمەتى بويىنشا 2 اۋداندا 1011 ازامات العاش رەت داۋىس بەرۋگە قاتىسادى. ونىڭ 694 ى شيەلى، 317 سى سىرداريا اۋدانىندا تۇرادى. سونداي- اق پيلوتتىق سايلاۋ وتەتىن اۋدانداردا 5-قاراشا كۇنى 18 جاسقا تولاتىن 5 ازامات بار. ولار دا ءوز كونستيتۋتسيالىق قۇقىعىن پايدالانا وتىرىپ داۋىس بەرە الادى»، - دەپ ءمالىم ەتتى وبلىستىق سايلاۋ كوميسسياسىنان.

ايتا كەتسەك، ەكى اۋدانعا كانديدات رەتىندە 6 ازامات تىركەلگەن. ولاردىڭ بارلىعى دا جوعارى ءبىلىمدى، مەملەكەتتىك قىزمەتتىڭ ءتۇرلى ساتىسىنان وتكەن.