قىزىلوردا. KAZINFORM - «ناشاقورلىققا جول جوق!» جوباسى اياسىندا ارال اۋداندىق پروكۋراتۋراسىنىڭ ۇيلەستىرۋىمەن قىزىلوردا وبلىسىنىڭ پ د- ءنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرىنىڭ قاتىسۋىمەن ەسىرتكى تاسىمالىنىڭ جولى كەسىلدى. بۇل تۋرالى قىزىلوردا وبلىسى پروكۋراتۋراسى ءمالىم ەتتى.
سامارا-شىمكەنت تاس جولى بويىندا شيجا ەلدى مەكەنىنىڭ تۇسىندا ەسىرتكى ساقتادى دەگەن كۇدىكپەن اۆتوكولىك توقتاتىلىپ، جۇرگىزۋشىنى تەكسەرۋ بارىسىندا 9 پوليەتيلەن پاكەتكە ورالعان سالماعى 557 گ ر. بولاتىن كەپتىرىلگەن ماريحۋانا انىقتالىپ، ايعاق زات رەتىندە الىندى.
ءىرى مولشەردەگى ەسىرتكى, پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز تاسىمالداۋ فاكتىسى بويىنشا قازاقستان رەسپۋبليكاسى قىلمىستىق كودەكسىنىڭ 297-بابىنىڭ 2-بولىگىمەن قىلمىستىق ءىس تىركەلىپ، كۇدىكتىگە قاتىستى «كۇزەتپەن ۇستاۋ» بۇلتارتپاۋ شاراسى قولدانىلدى.
ەسكە سالا كەتەيىك، بۇعان دەيىن اقتاۋدا جيھاز سەحىندا ەسىرتكى ەككەن تۇرعىن انىقتالعانىن جازعان بولاتىنبىز.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.