قىزىلوردا وبلىسىندا ءتورت كولىك سوقتىعىسىپ، بەس ادام اۋرۋحاناعا جەتكىزىلدى
قىزىلوردا وبلىسىندا اۋا رايى قولايسىزدىعى سالدارىنان ءتورت كولىك سوقتىعىسىپ، بەس ادام اۋرۋحاناعا جەتكىزىلدى، دەپ حابارلايدى Kazinform.
بۇگىن، 19-جەلتوقساندا ساعات 13:18 دە ارال اۋدانىنىڭ اۋماعىندا قامباش ەلدى مەكەنى تۇسىنان ءوتىپ جاتقان «باتىس ەۆروپا- باتىس قىتاي» تاس جولىنىڭ بويىندا جول كولىك وقيعاسى تىركەلدى. سول ۋاقىتتا كەزەكشىلىكتەن تىس ۋاقىتتا قامىستىباس ستانتسياسى قۇتقارۋ بولىمشەسىنىڭ باس قۇتقارۋشىسى ەربول وتاربايەۆ جەكە جۇمىسىمەن ارال قالاسىنا بەت العان ەدى.
«جول بويىنداعى كولىك اپاتىن كوزى شالعان ول دەرەۋ كومەك كورسەتۋگە كىرىستى. كەيىننەن 3 «Mercede-benz» ماركالى جۇك كولىگى مەن «Daewoo-nexia» ماركالى جەڭىل كولىگى اۋا رايىنىڭ قولايسىزدىعىنان جول اپاتىنا ۇشىراعانى انىقتالدى. سالدارىنان جەڭىل كولىكتەگى 4 ادام قولدىڭ سىنۋى، اياق قايىرىلىپ قالۋ، مي جاراقاتى سەكىلدى ءارتۇرلى جاراقات العان. قۇتقارۋشى ولاردىڭ قاسىنا جاقىنداعاندا كولىك ىشىندە قىسىلىپ قالعان ەگدە جاستاعى ايەل ازاماتشانى بايقاپ، ونى سىرتقا شىعارۋعا كومەكتەستى. وسى ۋاقىتتا وقيعا ورنىنا جەتكەن قۇتقارۋ بولىمشەسىنىڭ قۇتقارۋشى- مەدبيكەسى ءاسيا بازاربايەۆا زارداپ شەككەن ازاماتتارعا العاشقى مەديتسينالىق كومەك كورسەتەدى. ەربول وتاربايەۆ جەكە كولىگىمەن جاراقات العان 5 ادامدى جاقىن ەلدى مەكەنىندەگى اۋرۋحاناعا جەتكىزەدى. ولار قازىر دارىگەرلەردىڭ ءجىتى قاداعالاۋىندا»،- دەپ ءمالىم ەتتى قىزىلوردا وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنەن.
ۆەدومستۆو مالىمەتىنشە، جول- كولىك وقيعاسى سالدارىنان اۋدارىلىپ قالعان 3 «Mercede-benz» ماركالى جۇك كولىگىنىڭ جۇرگىزۋشىلەرى ءدىن امان. جۇك كولىكتەرىن تۇرعىزۋ ءۇشىن قوسىمشا كومەك كۇتىلۋدە.