قىزىلوردا وبلىسىندا ءۇش مارتە ەگىز بوسانعان انا تۇرادى

قىزىلوردا. KAZINFORM - قىزىلوردا وبلىسىندا ءۇش مارتە ەگىز بوسانعان انا تۇرادى.

قارماقشى اۋدانىنا قاراستى اقتوبە اۋىلىنىڭ تۇرعىنى جانبوتا وتەباليەۆا بۇگىندە وتباسىندا سەگىز بالانى تاربەيەلەپ وتىر.

ول اقتوبە اۋىلىندا تۇراتىن ەركىن رايەۆقا تۇرمىسقا شىققان. بۇگىندە وتاعاسى شارۋاشىلىقتا قويما مەڭگەرۋشى قىزمەتىن اتقارادى.

جانبوتا 1987 -جىلى ارال اۋدانىندا دۇنيەگە كەلگەن. وتباسىندا 5 بالا وسكەن. نەگىزىنەن ەگىزدەر اناسى جاعىنان تاراعانىن ايتادى.

«وتباسىندا الدىمداعى باۋىرلارىم ەگىز بولدى. قازىر ءوزىم تۇرمىس قۇرىپ، اللانىڭ بەرگەن سەگىز ۇل- قىزىن تاربيەلەپ وتىرمىن. قىزدارىم مەرۋەرتىم قىزىلوردادا ستۋدەنت بولسا، گۇلجاينارىم 9-سىنىپتا وقيدى. ەگىزدەردىڭ ۇلكەنى 2014 -جىلعى اسەت پەن اسەل 3-سىنىپتىڭ ءبىلىم الىپ جاتسا، ودان كەيىنگى ەكىنشى ەگىزدەر 2016 -جىلى ومىرگە كەلگەن عازيزا مەن فاريزا 2-سىنىپتا وقيدى. ءۇشىنشى ەگىزىمىز ءاليحان مەن ءاليجان وتكەن جىلدىڭ 26 جەلتوقسانىندا ءومىر ەسىگىن اشتى»، - دەيدى كوپبالالى انا.

وتباسىندا ەكى ەگىزدىڭ ەسىمىن اكەلەرى قويعان. ال ەگىز قىزدارعا ەسىمدى اجەسى ءوزى بەرىپتى.

كوپبالالى انا ەگىزدەردىڭ بارلىعىن دا تابيعي جولمەن وبلىستىق «انا مەن بالا» ورتالىعىندا بوسانعان.

ايتا كەتسەك، ورتالىقتا بىلتىر 11010 نارەستە دۇنيەگە كەلدى. ونىڭ ىشىندە 151 ءى ەگىز بولسا، 3 ءى ۇشەم.